Home چالاکی یادی هەڵەبجە لە فینلاند، بە شکۆیەکی کەم وێنەوە بەرێوە چوو

یادی هەڵەبجە لە فینلاند، بە شکۆیەکی کەم وێنەوە بەرێوە چوو

helebce05بە بەشداری سەدان کەس لە کوردانی دانیشتووی فینلاند و فینلاندیانی کوردپەروەر، بیست و پێنجەمین ساڵڤەگەری تاوانی کیمیابارانی هەڵەبجە بە شکۆیەکی کەم وێنەوە بەرێوە چوو.

 

دوانیوەرۆی رۆژی شەممە 16.3.2013 سەدان کەس لە کوردانی دانیشتووی فینلاند و کوردپەروەرانی فینلاندی بۆ یادی کارەساتی کیمیابارانی هەڵەبجە لە هۆڵی خانەی کرێکاری رۆژهەڵاتی هێلسینکی کۆبوونەوە و کۆریادی بیست و پێنجەمین ساڵڤەگەری تاوانی کیمیابارانی هەڵەبجە دژی گەلی کوردیان بەرێوە برد.

کۆرەکە بە سروودی نەتەوایەتی ئەی رەقیب، دەقیقەیەک بێدەنگی بۆ یادی شەهیدانی هەڵەبجە و هەموو شەهیدانی کورد و کوردستان دەستی پێکرد.

ئەوجار خاتوو لاورا لۆدێنیووس (Laura Lodenius) نوێنەری یەکیەتی ئاشتی فینلاند وتەی کردنەوەی کۆریادی هەڵەبجەی پێشکەش کرد. بە دوای ئەو پەیامی بنەماڵەی شەهیدانی هەلەبجە لە لایەن یەکێک لە ئەندامانی بنەماڵەی شەهیدانی هەڵەبجەوە پێشکەش کرا. لە پەیامی پرلە سۆز و هەستی نوێنەری بنەماڵەی شەهیدان، وێرای ئاماژە بە رووداوی تاڵی کیمیابارانی هەڵەبجە، ئەو نەهامەتی و کارەساتانەی کە بەسەر خەڵکی ئەوشارە و پاشماوەکانی بنەماڵەی شەهیدان هاتووە باس کراو و بۆ سارێژکردنی برینەکانیان، داوای یەکگرتنەوە و یەکیەتی کردەوەی کوردان کرا.

بە دوای ئەودا وتاری دەستەی رێکخراوەکانی پێکهێنەری کۆریادی هەڵەبجە لەلایەن بەرێز ئازاد نەهلی و خاتوو نیشتیمان دعاگوو بە زمانەکانی کوردی و فینلاندی پێشکەش کرا. لەو پەیامەدا وێرای ئاماژە بە تاوانی کیمیابارانی هەڵەبجە، تاوانەکانی رژێمی سەدام حوسێن و حکوومەتەکانی دیکەی زاڵ بەسەر کوردستان لە ماوەی چەندین دەیەی رابردوودا لە بەشەجۆراوجۆراکەنی نیشتیمانی کوردان رەوتی ژێنۆساید و کوشتاری کوردانی بە سیاسەت و ستراتێژیەکی یەکگرتووی نەیارانی کورد و کوردستان زانراوە. لە بەشێکی دیکەی پەیامەکەدا وێرای ئاماژە بە ئەرکی نەتەوەی کورد چارەکە سەدەیەک دوای کارەساتی هەڵەبجەدا هاتووە: " بە بڕوای ئێمە رێکخەرانی یادی بیست و پێنجەمین ساڵڤەگەڕی تاوانی کیمیابارانی هەڵەبجە، بە کردنەوەی ناوەندێکی لێکۆڵینەوە لەسەر "جینۆساید" و کۆمەڵکوژی، هەم ئەرکێکی مێژوویی، مرۆڤی و زیندوو ڕاگرتنی یادی تاریکترین مێژووی مرۆڤایەتیە لە ناوچەی ڕۆژهەڵاتی ناوەڕاستدا کە دەتوانێ لە دوارۆژدا کوردستان و یادی هەڵەبجە بکاتە قیبلەگای گەشەکردنی مرۆڤایەتی و خۆپاراستن لە دڕندەیی مرۆڤ دژ بە مرۆڤ."

ئاخفتنکەری دوای پەیامی هاوبەشی رێکخراوەکان، خاتوو کریستینا کۆیڤوونێن (Kristiina Koivunen)، نووسەر و کوردناسی، فینلاندی بوو، کە لە سەر رەوتی ژێنۆساید و کۆمەڵکوژی کورد بە درێژایی مێژوو بەتایبەت لە باکوور و باشووری کوردستان قسەی کرد. هەر لە درێژەی قسەکانی خۆیدا، دوایین کتێبی خۆی کە بە بۆنی بیست و پێنجەمین سالڤەگەری کیمیابارانی هەڵەبجە ئامادە لە ژێر ناوی "کورد، گەلێکی ژێنۆساید کراو" بە بەشدارانی ناساند.

ناواخنی بەرنامەکانی کۆریادی هەڵەبجە بریتی بوو لە باسی رەهەندە جۆراوجۆرەکانی کیمیابارانی هەڵەبجە و ئەنفاڵ، لە لەلایەن خەڵکی هەڵەبجە و کارناسانی بەشدار لە کۆرەکەدا پێشکەش کرا. لە بەشی دووەمی سێهەمی بەرنامەدا، بەرێز مەجید حەقی، وتارێکی لە سەر رۆڵی ئێران لە کیمیابارانی هەڵەبجە وتارێکی پێشکەش کرد. لەو وتارەدا وێرای ئاماژە بە مێژینەی بەکارهێنانی چەکی کیمیاوی لە شەری نێوان ئێران و عێراقدا، هۆیەکانی ڕاکشانی شەر بۆ هەڵەبجە لەلایەن کۆماری ئیسلامی و بەکار هێنانی هەڵەبجە و ناوچە کوردنشینەکان وەک قوربانی کردنی هەڵەبجە بۆ ئامانجە پرۆپاگەندەیی و ناونەتەوەییەکانی خۆی ئاماژە پێکرا.

ژمارەیەکی زۆرلە بەشدارانی فینلاندی و کورد لە بەشی کۆتایی کۆریادی هەڵەبجەدا بیرۆبۆچوونی خۆیان لە پێوەندی لە گەڵ تراژێدی قەڵاچۆی کوردان دەربری.

کۆریادی بیستوپێنجەمین ساڵڤەگەری کیمیابارانی هەڵەبجە دوای چوارکاتژمێر بە پێشکەش کردنی "تابلۆیەکی رێز و کڕنۆش" بۆ بنەماڵەی شەهیدان کۆتایی پێ هات.

کۆریادی هەڵەبجە لە لایەن یەکیەتی ئاشتی فینلاند، کۆمەڵەی ئاشتیخوازانی فینلاند و فۆرۆمی ئاشتی بۆ کوردان لە فینلاند و بە هاوکاری 23 رێکخراوی مەدەنی و سیاسی کوردستانی لە فینلاند پێک هات.

 

حیزبی دێموکراتی کوردستانی ئێران – کۆمیتەی فینلاند

16.3.2013

 

 

کۆڕێکی ڕێزگرتن بۆ شەهیدانی ڕاسان بەڕێوە دەچێت

کۆڕێکی ڕێزگرتن بۆ شەهیدانی ڕاسان بەڕێوە دەچێت

رۆژی شەممە رێکەوتی 8.7.2017 کۆڕێکی رێزگرتن لە شەهیدانی "راسان" لەشاری تامپێرێی وڵاتی فینــلاند بەڕێوە دەچێت.

زیاتر بخوێنه‌وه‌ ‌

مەراسمی 10ی خاکەلێوە لە لایەن کۆمیتە ناوچەی حدکا لە شاری ڤاسا بەرز راگیرا

مەراسمی 10ی خاکەلێوە لە لایەن کۆمیتە ناوچەی حدکا لە شاری ڤاسا بەرز راگیرا

رێکەوتی 1.4.2017 رۆژی شەممە لە لایەن کۆمیتە ناوچەی حیزبی دێمۆکرات کوردستانی ئێران لە شاری

زیاتر بخوێنه‌وه‌ ‌

هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد

هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد

لە سەر بانگهێشتی فەرمی، هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد.

زیاتر بخوێنه‌وه‌ ‌

ڕێوڕەسمێكی تایبەت بە ٢ی ڕێبەندان لە فینلاند بەڕێوە چوو

ڕێوڕەسمێكی تایبەت بە ٢ی ڕێبەندان لە فینلاند بەڕێوە چوو

یادی ٧١ـەمین ساڵڕۆژی کۆماری کوردستان لە شاری تورکو لە وڵاتی فینلاند بەرز ڕاگیرا.

زیاتر بخوێنه‌وه‌ ‌

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو.

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو.

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو

زیاتر بخوێنه‌وه‌ ‌

سیمینار: رۆژهەڵاتی کوردستان پێشمەرگەو راسان

سیمینار: رۆژهەڵاتی کوردستان پێشمەرگەو راسان

رۆژی شەممە رێکەوتی 17.12.2016 سیمینارێک بۆ  ڕێزگرتن له " ٢٦ی سەرماوەز " رۆژی پێشمەرگەی کوردستان  بە بەشداری

زیاتر بخوێنه‌وه‌ ‌

سێمینارێكی تایبەت بە ٢٤ـەمین ساڵیادی شەهیدانی میكۆنوس لە فینلاند بەڕێوە چوو

سێمینارێكی تایبەت بە ٢٤ـەمین ساڵیادی شەهیدانی میكۆنوس لە فینلاند بەڕێوە چوو

 

سێمینارێکی تایبەت بە شەهیدانی میکۆنوس لە شاری هێلسینکی وڵاتی فینلاند بەڕێوەچوو

زیاتر بخوێنه‌وه‌ ‌

دیداری کۆمیتەی حیزبی دێموکراتی کوردستانی ئێران لە گەڵ شاندی حکوومەتی هەرێمی کوردستان

دیداری کۆمیتەی حیزبی دێموکراتی کوردستانی ئێران لە گەڵ شاندی حکوومەتی هەرێمی کوردستان

دەستەی کۆمیتەی حیزبی دێموکراتی کوردستانی ئێران لە فینلاند لە گەڵ شاندی حکوومەتی هەرێمی کوردستان کە بۆ سەردانێکی فەرمی هاتبوونە فینلاند دیداری کرد.

زیاتر بخوێنه‌وه‌ ‌

بە بۆنەی ٢٤مین ساڵڤەگەری جینایەتی میکۆنۆس

بە بۆنەی ٢٤مین ساڵڤەگەری جینایەتی میکۆنۆس

لەووتە بەنرخەکانی د. شەرەفکەندی: "با هەموو بەشی خۆمان لە خەباتدا بەشداری بکەین"

زیاتر بخوێنه‌وه‌ ‌

دواهه‌مین هه‌واڵ

سیمینار: رۆژهەڵاتی کوردستان پێشمەرگەو راسان