Home چالاکی بەڕێوەچوونی سمیناری تایبەت بە ساڵیادی کارەساتی میکۆنووس لەلایەن کۆمیتەی حیزبەوە لە فینــلاند

بەڕێوەچوونی سمیناری تایبەت بە ساڵیادی کارەساتی میکۆنووس لەلایەن کۆمیتەی حیزبەوە لە فینــلاند

لە یادی ٢٦ی خەرمانان و بەمەبەستی رێزگرتن لە یادی کارەساتی شەهیدانی میکۆنووس، کۆمیتەی گشتی حیزبی دێموکرات لە شاری تورکوو، سمینارێکی بەڕێوەبرد.

رۆژی شه‌ممه ‌رێكه‌وتی ٢٩ی خه‌رمانانی ١٣٩٣ی هه‌تاوی، به‌بۆنه‌ی ٢٢ـه‌مین ساڵڤه‌گه‌ڕی شه‌هیدكرانی دوكتور سادق شه‌ره‌فكه‌ندی، له‌گه‌ڵ کاک فه‌تاح عه‌بدولی و کاک هومایۆن ئه‌رده‌ڵان،  به‌به‌شداری بەڕێز "رامبۆد لۆتفپوور" چالاکی سیاسی و ئه‌ندامی پێشووی كۆمیته‌ی ناوه‌ندی حیزبی دێموکراتی کوردستانی ئێران و ‌ژمارەیەکی بەرچاو لەئەندامانی حیزب نوێنەرانی پارت و لایەنە سیاسیەکان،‌ کوردانی دانیشتوی وڵاتی فینــلاند، له‌شاری تورکوو، سمینارێک بەڕێوەچوو.

رێۆره‌سمه‌كه ‌به ‌سروودی نه‌ته‌وه‌یی "ئه‌ی ره‌قیب" و راگرتنی خولەكێک بێ ده‌نگی بۆ رێزگرتن له‌شه‌هیدانی كورد و كوردستان و به‌تایبه‌تی شه‌هیدانی ٢٦ی خەرمانان، ده‌ستی پێكرد.

پاشان "فازڵ گووڵجانپووڕ" به‌رپرسی كۆمیته‌ی گشتی حیزبی دێموکرات لەفینــلاند په‌یامی كۆمیته‌ی بەو بۆنەیەوە پێشكه‌ش كرد.

گووڵجانپوور له په‌یامه‌كه‌یدا وێڕای ئاماژە به جینایەتەکانی کۆماری ئیسلامی ئێران و تیرۆرکردنی نەیارانی لە رێگەی کوشتن و لەناوبردنیان، بۆ رێگە خۆش کردن، و دریژەدان بە تەمەنی نەفرەت لێکراوی کۆماری ئیسلامی لەئێران.

لە درێژەی پەیامەکەی کۆمیتەدا هاتبوو:  کە هەوڵی بێوچانی کۆماری ئیسلامی ئێران، و فشارخستنە سەروڵاتی ئاڵمان، کە کۆماری ئیسلامی ئێران دەیویست وەک جەریانی تیرۆری شەهیدانی ڤییەن، کارەساتی میکۆنووسیش بکات بە فیدای سادو سەودای بازرگانی،  بەڵام  بڕیاری بوێرانەی  دادگای سەربەخۆی ئاڵمان،  نەک هەر کۆماری ئیسلامی ئیرانی بەو تاوانە مەحکووم کرد، بەڵکوو رووی راستەقینەی تیرۆریستی سەرانی کۆماری ئیسلامی ئێرانی بە دونیا ناساند.

دواتر پەیامی پارتی دێموکراتی کوردستان لەلایەن رێزدار "حەکیم تاهیر"ەوە پێشکەش کرا.

بەڕێزیان بەئاماژەدان بە رووی راستەقینەی دەسەڵاتدارانی ئێران کەپێشینەیەکی قێزەون و بەرچاویان هەیە لەتیرۆر و تیرۆرپەروەراندن، لە سەردەمی پادشاهییەوە بگرە تا دەسەڵاتداری ئاخووندەکان، بۆ لەناوبردنی رێبەروسەرکردەکانمان، یەکەم جار هەڵسان بەشەهیدکردنی پێشەوای مەزن و دواتر تیرۆرکردنی سەرکردەی ناودار و نموونەی دیپلۆماتکاری ئێمە دۆکتۆر عەبدولرەحمانی قاسملوو و پاشان تیرۆرکردنی دوکتۆر سادق و هاوڕێیانی لەئاڵمان.

بەڕێزیان ئاماژەی بەوەش کرد، لەبەردەرکەوتی مەترسییەکانی تیرۆتیزمی نێودەوڵەتی، لەکۆنفرانسی پاریس هاوپەیمانییەتیەکیان پێکهێنا کە زیاتر لە٤٠وڵات تێیدا بەشداربوون، بۆ بەرەنگاربوونەوەی تیرۆریزمی نێودەوڵەتی، رێگە نەدرا بە ئێران بەشداری ئەو کۆبوونەوەیە بێت، لەبەر ئەو پێشینەی کە هەیەتی لەمەڕ تیرۆر و پشتیوانی کردنی لەتیرۆریزم.

پاشان پەیامی یەکیەتییەکانی ژنان و لاوانی دێموکراتی کوردستانی ئێران لەلایەن خاتوو "شەهین بەهمەن سووولتانی" بەرپرسی یەکیەتی ژنانی دێموکراتی کوردستانی ئێران،ەوە پێشکەش کرا.

دواتر بەڕێز "عەبدوڵا حاجی" چەند کورتە پەخشانێکی پێشکەش کرد و دواتر پەیامی کۆمەڵه‌ی شۆڕشگێڕی زه‌حمه‌تكیشانی كوردستانی ئێران لەلایەن جەعفەر مووستەفا سوڵتانییەوە پێشکەش کرا.

بەشی دواتری ئەم سمینارە تەرخان کرابوو بۆ پێشکەشکردنی باسێک لەسەر تیرۆری میکۆنووس و دادگای میکۆنووس لە لایەن "رامبۆد لۆتفپووری"ەوە چالاکی سیاسی و ئه‌ندامی پێشووی كۆمیته‌ی ناوه‌ندی حیزبی دێموکراتی کوردستانی ئێران.

لۆتفپووری لە سەرەتای ‌قسه‌كانیدا وێڕای ئاماژەدان به چۆنیه‌تی به‌رێوه‌چوونی دادگای میكۆنووس، باسی لە سەرەکیترین میکانیزمی درێژەدان بە تەمەنی کۆماری ئیسلامی ئێران کرد، کە ئەویش پاکتاو کردن و لەناو بردنی دژبەرانیەتی.

   

ناوبراو هه‌روه‌ها باسی له گرینگیی دادگای میكۆنووس و باندۆری ئه‌و بڕیاره بوێرانه‌یە کرد،  کە نەک هەر دادگای ئاڵمان نەچووە ژێر فشاری ئاخوندەکانی ئێران بەڵکوو تەواوی ئەوانەی دەستیان هەبوو لەو کارەساتەدا بە تیرۆریزم  ناساندن،  و ئاکامی ئەو دادگایە کاریگەری بوو له سه‌ر راوه‌ستاندنی ماشینی تیرۆریزمی رێژیمی ئیسلامی ئێران.

رامبۆد لۆتفپووری له‌به‌شێكی دیكه‌ی قسه‌كانیدا، ئاماژەی بەوە کرد: کە کۆماری ئیسلامی ئێران پێی وابوو بە تیرۆرکردنی د.قاسملوو حیزبی دێمۆکرات لەناو دەچێت، بەڵام دوكتور شەرەفكەندی بە زانین و لێوەشیاوەیی و مودیریەتی تایبەت بەخۆی، بەجورێك رێبەرایەتی حیزبی بەرەو پێشەوە برد، نەک کاروباری حیزبی لەبەرەو پێشوەچوون کەوتن، بەڵکوو حیزب دووبارە کلیدی سەرەکی بوو لەناو ئۆپۆزیسیۆنی ئێرانی.

له بڕگه‌ی كۆتایی سمیناره‌كه‌دا، به‌شدارانی سمیناره‌كه به پرسیار و تێبینییەکانی خۆیان سمیناره‌كه‌یان ده‌وڵه‌مه‌ندتر کرد.

حیزبی دێمۆکراتی کوردستانی ئێران کۆمیتەی فینلاند

 

 

کۆڕێکی ڕێزگرتن بۆ شەهیدانی ڕاسان بەڕێوە دەچێت

کۆڕێکی ڕێزگرتن بۆ شەهیدانی ڕاسان بەڕێوە دەچێت

رۆژی شەممە رێکەوتی 8.7.2017 کۆڕێکی رێزگرتن لە شەهیدانی "راسان" لەشاری تامپێرێی وڵاتی فینــلاند بەڕێوە دەچێت.

زیاتر بخوێنه‌وه‌ ‌

مەراسمی 10ی خاکەلێوە لە لایەن کۆمیتە ناوچەی حدکا لە شاری ڤاسا بەرز راگیرا

مەراسمی 10ی خاکەلێوە لە لایەن کۆمیتە ناوچەی حدکا لە شاری ڤاسا بەرز راگیرا

رێکەوتی 1.4.2017 رۆژی شەممە لە لایەن کۆمیتە ناوچەی حیزبی دێمۆکرات کوردستانی ئێران لە شاری

زیاتر بخوێنه‌وه‌ ‌

هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد

هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد

لە سەر بانگهێشتی فەرمی، هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد.

زیاتر بخوێنه‌وه‌ ‌

ڕێوڕەسمێكی تایبەت بە ٢ی ڕێبەندان لە فینلاند بەڕێوە چوو

ڕێوڕەسمێكی تایبەت بە ٢ی ڕێبەندان لە فینلاند بەڕێوە چوو

یادی ٧١ـەمین ساڵڕۆژی کۆماری کوردستان لە شاری تورکو لە وڵاتی فینلاند بەرز ڕاگیرا.

زیاتر بخوێنه‌وه‌ ‌

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو.

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو.

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو

زیاتر بخوێنه‌وه‌ ‌

سیمینار: رۆژهەڵاتی کوردستان پێشمەرگەو راسان

سیمینار: رۆژهەڵاتی کوردستان پێشمەرگەو راسان

رۆژی شەممە رێکەوتی 17.12.2016 سیمینارێک بۆ  ڕێزگرتن له " ٢٦ی سەرماوەز " رۆژی پێشمەرگەی کوردستان  بە بەشداری

زیاتر بخوێنه‌وه‌ ‌

سێمینارێكی تایبەت بە ٢٤ـەمین ساڵیادی شەهیدانی میكۆنوس لە فینلاند بەڕێوە چوو

سێمینارێكی تایبەت بە ٢٤ـەمین ساڵیادی شەهیدانی میكۆنوس لە فینلاند بەڕێوە چوو

 

سێمینارێکی تایبەت بە شەهیدانی میکۆنوس لە شاری هێلسینکی وڵاتی فینلاند بەڕێوەچوو

زیاتر بخوێنه‌وه‌ ‌

دیداری کۆمیتەی حیزبی دێموکراتی کوردستانی ئێران لە گەڵ شاندی حکوومەتی هەرێمی کوردستان

دیداری کۆمیتەی حیزبی دێموکراتی کوردستانی ئێران لە گەڵ شاندی حکوومەتی هەرێمی کوردستان

دەستەی کۆمیتەی حیزبی دێموکراتی کوردستانی ئێران لە فینلاند لە گەڵ شاندی حکوومەتی هەرێمی کوردستان کە بۆ سەردانێکی فەرمی هاتبوونە فینلاند دیداری کرد.

زیاتر بخوێنه‌وه‌ ‌

بە بۆنەی ٢٤مین ساڵڤەگەری جینایەتی میکۆنۆس

بە بۆنەی ٢٤مین ساڵڤەگەری جینایەتی میکۆنۆس

لەووتە بەنرخەکانی د. شەرەفکەندی: "با هەموو بەشی خۆمان لە خەباتدا بەشداری بکەین"

زیاتر بخوێنه‌وه‌ ‌

دواهه‌مین هه‌واڵ

سیمینار: رۆژهەڵاتی کوردستان پێشمەرگەو راسان