Home چالاکی فینلاند ـ بەڕێوەچوونی سیمینارێکی تایبەت بە ٢٢ی پووشپەڕ بە بەشداریی رێزدار رۆستەم جەهانگیری، ئەندامی دەفتەری سیاسیی حیزبی دێموكراتی كوردستان

فینلاند ـ بەڕێوەچوونی سیمینارێکی تایبەت بە ٢٢ی پووشپەڕ بە بەشداریی رێزدار رۆستەم جەهانگیری، ئەندامی دەفتەری سیاسیی حیزبی دێموكراتی كوردستان

رۆژی شەممە رێکەوتی ٢٠ی پووشپەڕی ١٣٩٤ی هەتاوی، بەرابەر بە ١١ی ژوئیەی ٢٠١٥ی زایینی، کۆمیتەی گشتیی حیزبی دێموکراتی کوردستانیئێران لە وڵاتی فینــلاند، بە بۆنەی ٢٦مین ساڵـڕۆژی

شەهیدکرانی دوکتور قاسملوو و هاوڕێیانی، سێمینارێكی پێک هێنا.

سێمینارەکه لە شاری تورکو و به بەشداریی  ڕێزدار ''رۆستەم جەهانگیری''، ئەندامی دەفتەری سیاسیی حیزبی دێموکراتی کوردستانی ئێران، نوێنەرانی حیزب‌ و رێكخراوە سیاسی‌و مەدەنیەكان لە فینلاند‌و هەروەها بەشێكی بەرچاو لە ئەندامان‌و دۆستانی حیزب بەڕێوە چوو.

سێمینارەکه بە سروودی نەتەوەیی ئەی رەقیب‌ و راگرتنی خولەکێک بێدەنگی بۆ رێزگرتن لە گیانی پاکی شەهیدانی رێگای ئازادیی کوردستان دەستی پێکرد.

پاشان سێمینارەكە به پێشكەشكردنی پەیامەكانی تایبەت بەم بۆنەیە درێژەی كێشا:

پەیامی كۆمیتەی گشتیی حیزبی دێموكراتی كوردستانی ئێران لە فینلاند، لە لایەن رێزدار حەیدەر كاكەزادە.

پەیامی پارتی دێموكراتی كوردستان لە لایەن بەڕێز كەماڵ حەسەن پیرۆت‌.

پەیامی فیدراسیۆنی كۆمەڵە كوردیەكان لە لایەن بەڕێز وڵات نەهری.

پەیامی یەكیەتیی ژنان لە لایەن بەڕێز مەهتاب موحەممەدیان.

هەروەها كۆمیتەكانی "كۆمەڵەی شۆڕشگێڕی زەحمەتكێشانی كوردستانی ئێران"‌و "كۆمەڵەی زەحمەتكێشانی كوردستان" له فینلاند بەم بۆنەوە پەیامیان بۆ سێمینارەكە ناردبوو.

لە بەشێكی دیكەی سێمینارەكەدا بەڕێز مەجید حەقی، نووسەری كتێبی "قاسملوو، مانیفێستی سیمای مرۆڤانەی رێبەریلە چەند وتەیەكدا كتێبەكەی ناساند‌و پێشكەشی یادەكەی كرد.

بەشێكی دیكەی سێمینارەكە تەرخان كرابوو بۆ وتەكانی رێزدار رۆستەم جەهانگیری، ئەندامی دەفتەری سیاسیی حیزبی دێموكراتی كوردستان.

بەڕێز جەهانگیری وێڕای ئاوڕدانەوەیەك لەسەر كەسایەتیی شەهید دوكتور قاسملوو، ئاماژەی بە بەشێک لە روانگە‌و بۆچوونەكانی دوكتور قاسملوو كرد و گووتی دوکتور قاسملوو له کاتی وتووێژەكانی هەیئەتی نوێنەرایەتیی كورد لە گەڵ بەرپرسانی كۆماری ئیسلامی پاش سەركەوتنی شۆڕشی گەلانی ئێران، بۆیان دەرکەوتبوو کە (حکوومەتی ئینقلابی) لە ئێراندا ناتوانێ ئینقلابی و شۆڕشگێڕ بێ، ناتوانێ دیمۆکرات و دیمۆکراتیک بێت، ناتوانێ مافی نەتەوەکان لە ئێراندا چارەسەر بکا. هەر ئەو دەم دوکتۆر قاسملوو بۆیان دەرکەوتبوو کە لە وجوودو  فەلسەفەو  ماهییەتی ئەو رێژیمەدا شتێک بە نێوی دێمۆکراسی و مافی مرۆڤ بوونی نیە.

رێزدار جەهانگیری، وێڕای ئاماژە بە خەبات‌و تێكۆشانی دوكتور قاسملوو، باسی لە كاریگەریی پێوەندییەكانی ئەو رێبەرە مەزنە لە ئاستی جیهانیدا كرد كە هەموو هەوڵی ئەوە بووە سەرنجی دنیای دەرەوە بۆ لای خەباتی مافخوازانەی نەتەوەكەی رابكێشێ‌‌و لەو كارەشدا سەركەوتوو بوو.

ئەو ئەندامەی دەفتەری سیاسیی حیزبی دێموكراتی كوردستان، لە بەشێكی دیكەی قسەكانیدا ئاماژەی بەوە كرد كە پاش شەڕی ئێران‌و عێراق که رێژیمی خومەینی جامی ژەهری نۆشی‌و ئامادە بوو لەگەڵ دوژمنە سەرەكیەكەی كە سەددامە، بكەوێتە وتووێژ، لەوانەیە هەلێكی لەباریش بێ‌ بۆچارەسەر كردنی مەسەلەی كورد، بۆیە حیزبی دێموکرات پێشنیاری وتووێژی قەبووڵ كرد. بەڵام كۆماری ئیسلامی بە تیرۆركردنی دوكتور قاسملوو و هاوڕێیانی، ماهیەتی راستەقینە‌و تیرۆریستیی خۆی دەرخست‌و بەم جینایەتە سەلماندی كە هەم لە حیزبی‌ دێموكرات‌و دوكتور قاسملوو و هەم لەچارەسەری داخوازیە رەواكانی میللەتی كورد دەترسێ‌.

جەهانگیری لە درێژەدا وتی: "تیرۆرکرانی شەهیدی نەمر دوکتۆر قاسملوو بۆ گەلی کورد لە کوردستانی رۆژهەڵات، بە تایبەتی بۆ ئەندامان و لایەنگرانی حیزبی دێموکراتی کوردستانی ئێران جێی داخ بوو." بەڕێز جەهانگیری درێژەی دا‌و وتی: "بەتایبەت کە لە وڵاتێکی بەناو دیمۆکرات لە ئۆرووپا، لەو جێگایەی کە بە وڵاتی دێمۆکرات ناوبانگی دەرکردووە و هەمیشە بۆ پێشێل کردنی مافی مرۆڤ هاواریان لێ بەرز بۆتەوە، راست لەو جێگایەدا غەدر لە نەتەوەیەک کرا. ئەوان لە گەڵ دیکتاتۆرترین رێژیم و کۆنەپەرەستترین رێژیم لەسەر حیسابی کورد کەوتنە (معاملە) و نهیانهێشت پەروەندەی تیرۆری دوکتور قاسملوو رەواڵی عادیی خۆی بپێوێ. ئەگەر دەوڵەتی ڤییەن بیهێشتایە ئەو پەروەندە رەواڵی عادی خۆی بپێوێ،‌ لەوانەیە پێشیان بە زۆر کاری تیرۆریستیی کۆماری ئیسلامی بگرتایە کە لە دەرەوەی مەرزەکان ئەنجامیان دەدا."

هەر لەو پێوەندییەدا بەڕێز جەهانگیری رەخنەی لە دەوڵەتی ئەوكاتی ئۆتریش گرت‌و وتی: "دەوڵەتی ئۆتریش‌ داوای لێبوردن بە نەتەوەی كورد بەگشتی‌ وگەلی كورد لە كوردستانی رۆژهەڵات‌و حیزبی دێموكراتی كوردستانی ئێران بە تایبەتی، قەرزدارە."

لە بەشێكی دیكەی ئاخافتنەكانیدا، بەرێز جەهانگیری وتی: "ئێمە وەكوو حیزبی دێموكرات پێمان وایە كە دەبێ‌ كورد لە چوارپارچەی كوردستان، دۆست‌و برا‌و هاوپەیمانی ستراتیژیكی یەكتر بین‌و سیاسەت‌و كردەوەكانی حیزبی دێموكرات لەسەر ئەو ئەساسە داڕێژراون." هەروەها وتی: "بۆیە ئێمە دوای راپەڕینی گەلی كورد لە باشووری كوردستان، رامانگەیاند كە بۆ پاراستنی ئەو نیمچە حكوومەتە، حازرین ئەوەی لە دەستمان دێ‌ درێغی نەكەین. ئەوەش بوو كە نێزیك بە 20 ساڵ خەباتی چەكداریی خۆمان راگرت، چوونكە پێمان وابوو دەبێ‌ هاوكاریی حكوومەتی هەرێمی كوردستان بكەین بۆ ئەوەی بیانوو نەدەینە دەست دوژمنانمان. بەڵام ئێستا پێمان وایە كە حكوومەتی هەرێمی كوردستان ئەو حكوومەتەی 20 ساڵ لەوە پێش نیە. بەڵكوو بەهێزتر بووە،ناسراوتر بووە، لە باری ئابوورییەوە خەریكە لەسەر پێی خۆی رادەوەستێ‌، لە باری سیاسییەوە پێشكەوتنی بەرچاوی بە خۆیەوە بینیوە‌و دیپلۆماسییەكی بەهێزی هەیە، پشت‌و پەنای باشی هەیە، دەوڵەتە بەهێزەكانی پشتیان گرتوە‌و بەرژەوەندیەكانی گەلی كورد لە باشوور، لەگەڵ بەرژەوەندییەكانی وڵاتە بەهێزەكان پێكەوە گرێ‌ دراون‌ و ئیتر دوژمنانی ناوچەیی كورد ناتوانن هەڕەشە لە مان‌و مەوجوودیەتی گەلی كورد لەو بەشەی نیشتمان بكەن. بۆیە بڕیارمان دا دوای 20 ساڵ، دووبارە جووڵەیەكی دیكە بە هێزەكانمان بكەین‌و بەشێوەیەكی دیكە یان ئاشكراتر لە جاران خەبات بكەین."

هەر لەو پێوەندییەدا بەڕێز جەهانگیری، ئاماژەی بە چوونی هێزەكانی حیزبی دێموكرات بۆ ناوچە شاخاوییەكانی كوردستان‌ كرد كە بەداخەوە هەر لەسەرەتاوە لەگەڵ كۆسپ بەرەو ڕوو بوون‌. بەرپرسی كۆمیسیۆنی سیاسی ـ نیزامیی حیزبی دێموكرات، بە ئاماژەدان بە رووداوەكانی كێلەشین، وێڕای بەداخبوونیان لەو رووداوە، خۆشحاڵیی خۆشیان لە چارەسەرەی مەسەلەكان لە رێگای وتووێژ‌و دیالۆگەوە دەربڕی‌و هیوای خواست كە هیچ كات رووداوی لەو جۆرە لە نێوان حیزب‌و لایەنە كوردیەكاندا روو نەدا.

لە بەشێكی دیكەی وتەكانیدا، بەڕێز جەهانگیری بە ئاوڕدانەوە لە ئینشعابەكانی نێو رێزەكانی حیزبی دێموكرات لە كۆنگرەكانی چوار‌و هەشت‌ و ئینشعابی دوای كۆنگرەی سێزدە، ئاماژەی بە جیاوازییەكانی ئەو ئینشعابانە كرد‌و بەتایبەتیش لەسەر ئینشعابی دوای كۆنگرەی سێزدە وتی: بۆ هەموولایەك روونە كە كێشەی ئەو هاوڕێیانەی جیا بوونەوە، تەنیا لەسەر كورسی بووە‌و ئینشعاب هیچ بنەمایەكی فیكری‌و سیاسیی نەبووە.

لە هەمان كاتدا وتی هەوڵەكانی حیزبی دێموكرات بۆ درێژەدان بە وتووێژەكان لەگەڵ هاوڕێیانی پێشوو ‌و رێگەخۆشكردن بۆ یەكگرتنەوەیەكی جیاواز لەیەكگرتنەوەی پێشوو بەردەوامن.

حیزبی دێموکراتی کوردستانی ئێران کۆمیتەی فینـــلاند

 

 

مەراسمی 10ی خاکەلێوە لە لایەن کۆمیتە ناوچەی حدکا لە شاری ڤاسا بەرز راگیرا

مەراسمی 10ی خاکەلێوە لە لایەن کۆمیتە ناوچەی حدکا لە شاری ڤاسا بەرز راگیرا

رێکەوتی 1.4.2017 رۆژی شەممە لە لایەن کۆمیتە ناوچەی حیزبی دێمۆکرات کوردستانی ئێران لە شاری

زیاتر بخوێنه‌وه‌ ‌

هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد

هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد

لە سەر بانگهێشتی فەرمی، هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد.

زیاتر بخوێنه‌وه‌ ‌

ڕێوڕەسمێكی تایبەت بە ٢ی ڕێبەندان لە فینلاند بەڕێوە چوو

ڕێوڕەسمێكی تایبەت بە ٢ی ڕێبەندان لە فینلاند بەڕێوە چوو

یادی ٧١ـەمین ساڵڕۆژی کۆماری کوردستان لە شاری تورکو لە وڵاتی فینلاند بەرز ڕاگیرا.

زیاتر بخوێنه‌وه‌ ‌

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو.

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو.

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو

زیاتر بخوێنه‌وه‌ ‌

سیمینار: رۆژهەڵاتی کوردستان پێشمەرگەو راسان

سیمینار: رۆژهەڵاتی کوردستان پێشمەرگەو راسان

رۆژی شەممە رێکەوتی 17.12.2016 سیمینارێک بۆ  ڕێزگرتن له " ٢٦ی سەرماوەز " رۆژی پێشمەرگەی کوردستان  بە بەشداری

زیاتر بخوێنه‌وه‌ ‌

سێمینارێكی تایبەت بە ٢٤ـەمین ساڵیادی شەهیدانی میكۆنوس لە فینلاند بەڕێوە چوو

سێمینارێكی تایبەت بە ٢٤ـەمین ساڵیادی شەهیدانی میكۆنوس لە فینلاند بەڕێوە چوو

 

سێمینارێکی تایبەت بە شەهیدانی میکۆنوس لە شاری هێلسینکی وڵاتی فینلاند بەڕێوەچوو

زیاتر بخوێنه‌وه‌ ‌

دیداری کۆمیتەی حیزبی دێموکراتی کوردستانی ئێران لە گەڵ شاندی حکوومەتی هەرێمی کوردستان

دیداری کۆمیتەی حیزبی دێموکراتی کوردستانی ئێران لە گەڵ شاندی حکوومەتی هەرێمی کوردستان

دەستەی کۆمیتەی حیزبی دێموکراتی کوردستانی ئێران لە فینلاند لە گەڵ شاندی حکوومەتی هەرێمی کوردستان کە بۆ سەردانێکی فەرمی هاتبوونە فینلاند دیداری کرد.

زیاتر بخوێنه‌وه‌ ‌

بە بۆنەی ٢٤مین ساڵڤەگەری جینایەتی میکۆنۆس

بە بۆنەی ٢٤مین ساڵڤەگەری جینایەتی میکۆنۆس

لەووتە بەنرخەکانی د. شەرەفکەندی: "با هەموو بەشی خۆمان لە خەباتدا بەشداری بکەین"

زیاتر بخوێنه‌وه‌ ‌

بەشداریی هەیئەتێكی كۆمیتەی حیزب لە 23هەمین ساڵیادی دامەزرانی حیزبی كۆمۆنیستی ئێران ـ لە فینلاند

بەشداریی هەیئەتێكی كۆمیتەی حیزب لە 23هەمین ساڵیادی دامەزرانی حیزبی كۆمۆنیستی ئێران ـ لە فینلاند

 

رۆژی شەممە، رێكەوتی 3/9/2016ی زایینی، هەیئەتێكی كۆمیتەی گشتیی حیزبی دێموكراتی كوردستانی ئێران لە وڵاتی فینلاند، پێكهاتوو لە

زیاتر بخوێنه‌وه‌ ‌

دواهه‌مین هه‌واڵ

سیمینار: رۆژهەڵاتی کوردستان پێشمەرگەو راسان