Home چالاکی ڕێوڕەسمی ڕێزگرتن لە شەهیدانی حەماسەی کۆساڵان و بۆڕیەر له فینلاند

ڕێوڕەسمی ڕێزگرتن لە شەهیدانی حەماسەی کۆساڵان و بۆڕیەر له فینلاند

ڕۆژی شەممە ڕێکەوتی ١٦ی ژوئیەی ٢٠١٦ی زایینی - ٢٦ی پوشپەڕی ١٣٩٥ی هەتاوی، کۆمیتەی حیزبی دێموکراتی کوردستانی ئێران بە هاوکاریی

بنەماڵەی بەڕێز "تەحسین رەزاوی"،بۆ ڕێزگرتن لە شەهیدانی حەماسەی کۆساڵان و بۆڕیەرڕێورەسمێکیان پێک هێنا.

ڕێوڕەسمەکه لە شاری "تامپێره­" و بە بەشداریی ژماره­یه­کی بەرچاو لە ئەندامان و لایەنگران و دڵسۆزانی حیزبی دێمۆکرات بەڕێوە چوو.
رێوڕەسمەکە بە سروودی نەتەوەیی "ئەی ڕەقیب" و ساتێک بێدەنگی بۆ ڕێزگرتن لە گیانی پاکی شەهیدان و بەتایبەت شەهیدانی "راسان" دەستی پێکرد.

پاشان پەیامی کۆمیتەی گستیی حیزب لە فینـــلاند له لایه­ن "جەهانبەخش خالیدی"یەو پێشکەش کرا.

له پەیامی کۆمیتەدا ئاماژە بەوە کرابوو کە لە ماوەى نزیک بە 38 ساڵ دەسەڵاتى زاڵمانەى رێژیمى ئاخوندیدا، حیزبى دێموکرات و نەتەوەى کورد بۆىان دەرکەوتووە کە کۆمارىئیسلامى جگە لە زمانى زۆر، لە هیچ زمانێکى دیکە تێ ناگا و باوەڕى بە بوونى مەسەلەیەک بە ناوى "مەسەلەى کورد" لە ئێراندا نیە.  بۆیە حیزبى دێموکرات، بە خوێندنەوەو هەڵسەنگاندنی باروودۆخى ئێران و کوردستان و ناوچە، ستراتیژێکى نوێى لە خەبات هەڵبژاردوە و لەو رێگایەدا بەکردەوە هەنگاو دەنێ قوربانى دەدا.

هەروەها لە پەیامی کۆمیتەدا وێڕای ئاماژە بە رۆڵ و خەبات و گیانفیدایی ئەو هاوڕێیە شەهیدانە دژى زوڵم زۆر و ژێردەستى، پشتیوانی له بڕیاری ئازایانه­ و بوێرانه­ی حیزب بۆدەستپێكردنەوەی خەباتی حیزبی دێموكرات دژی كۆماری ئیسلامی کرابوو. هەروەها له­و په­یامه­دا ته­ئکید کرابووه­وه که ئەرکى هه­رکام له ئێمەش، درێژەدانى رێگای شەهیدانه.

دواتر شاعیری شۆڕشگێر، رێزدار "فەرەیدون ئەرشەدی" شیعرێکیبەسۆزی بۆ شەهیدانی نوێی حیزب، لەژێر نێوی "فڕینی باز بە باڵی نارنجۆک"پێشکەش بە ئامادەبووان کرد.

لە ڕێوڕەسمەکەدا چەندین پەیامی پشتیوانی و هاودەردی بە دەست کۆمیتە گەیشتبوونکە بریتین لە:

ـ  پەیامی کۆمەڵە، رێکخراوی کوردستانیی حیزبی کۆمۆنیستی ئێران

ـ  پەیامی کۆمەڵەی فیدراسیۆنی کۆمەڵە کوردییەکان لە فینـــلاند

ـ  پەیامی به­رێز "عەزیز شێخانی" چالاکی سیاسی

ـ  پەیامی یەکیەتیی ژنانی دێمۆکراتی کوردستانی ئێران لەلایەن "مەهتاب محەممەدیان"

ـ  پەیامی كۆمیتەی رێكخستنی "یەکیەتی نیشتمانی کوردستان" له فینلاند

هەروەها له نێوان بڕگه­کانی به­رنامه­که­دا ئەم بەڕێزانە چەند وتەیەكیان پێشكەش كرد:

ـ  "تەیموور ئەلیاسی" نوێنەری کۆمەڵەی مافی مرۆڤی کوردستان ـ ژنێڤ

ـ  "عیرفان رەهنمون" چالاکی سیاسی

ـ  دوکتۆر "ئیدریس ئەحمەدی" مامۆستای زانكۆ

ـ  "مەجید حەقی" چالاکی سیاسی

 

له به­شێکی دیکه­ی ڕێوڕەسمەکه­دا هاوڕێی بەڕێز و تێکۆشەر کاک "مستەفا هیجری"، سکرتێری گشتی حیزبی دێمۆکراتی کوردستانی ئێران، به شێوه­ی راسته­وخۆله رێگای سکایپەوە، پەیامێکی تایبەتی بەو بۆنەیەوە پێشکەش کرد.

بەڕێز کاک مسته­فا ­هیجری، له به­شێکی قسه­کانیدا ئاماژەی بەوەدا کە لە ماوەى نزیک بە ٢٠ ساڵ، حیزبی دێمۆکراتی کورستانی ئێران خەباتی چەکداری راگرتووە  نەک هەر رێژیمی کۆماری ئیسلامی ئێران لە بیری چارەسەری ویست و داخوازییەکانی گەلی کورد لە کوردستانی ئێران نەبووە، بەڵکوو رۆژ بە رۆژ زەخت و گووشاری زیاتری خستۆتە سەر خەڵک، و دەرکەوت کە ئەوەی کە ئێمە لە سەرەتاوە باسمان کرد کە، کۆماری ئیسلامی ئێران ئامادە نیە ماف و داخوازییەکانی گەلی کورد جێبەجێ بکا, بۆیە دەبێ لە هەمبەر ئەو بێ تەفاوەتیەی کۆماری ئیسلامی ئێران بەرامبەر بە ئازادیخوازانی گەلی کورد لە ئێران دەبێ خەباتێک کە لە رابردوودا بوومانە دیسانەوە لەسەر را زیندووە کەینەوە و دەست پێ بکەینەوە.

ده­قی وته­کانی بەڕێز هیجری، سکرتێری گشتی حیزبی دێمۆکراتی کوردستان:

بەڕێز سکرتێری گشتیی حیزبی دێمۆکراتی کوردستان، له کۆتایی وته­کانیدا وتی: ئێمە لە دەستدانی شەهیدە خۆشەویستەکانماندا لە گەڵ ئەوەی کە هەموومان داخدارین، بەڵام ئەو داخ و حەسرەتە ئیرادەمان پۆڵایینتر و هەنگاومان بە تواناتر دەکا لە پێوانی ئەو رێگایەی کە بەڵێنمان بە شەهیدان داوە، کە درێژەدەری ڕێگایان بێن.

لە بەشێکی دیکەی رێورەسمەکەدا بەرهەمێكی تایبەت بە ناوی "شكۆی كۆساڵان"، له ئاماده­کردنی دڵشاد جەمشیدی، كە ژیاننامەی شەهیدانی كۆساڵان‌و بۆڕیەر‌ی لە خۆ گرتبوو، لە رێگای پرۆژێکتێره­وه نیشان درا.

دواتر شیعرێک لە ژێر نێوە "هەر لێرەوە"، لەلایەن "ئەمیر سوڵتانپەنا"وه پێشکەش کرا.

پاشان خاتوو " ئەژین رەزاوی" هاوژینی شەهیدی نەمر "کاوە جەوانمەرد"، چەند وتەیەکی پێشکەش بە ئامادەبووان کرد.

دواتر "مەولوود عەبدوڵاهی" هۆنراوەیەکی لە ژێر نێوەی "سۆزێک بۆ هاوژێنێک" پێشکەش کرد.

پاشان، خاڵۆی شەهید "کاوە جەوانمەرد" چەند وتەیەکی پێشکەش بە ئامادەبووان کرد.

لە بەشێکی دیکەی رێورەسمەکەدا رێزدار "مەنسوور عەزیزی" ئەندامی كۆمیتەی ناوەندیی حیزبی دێموكراتی كوردستان بەم بۆنەیەوە پەیامێکیان پێشکەش کرد.

دواتر سپاسنامه­ی بنەماڵەی شەهیدان لە لایەن خاتوو "شەهین به­همه­ن سوڵتانی" و  خاتوو "موژدە حه­یده­ری" هاوسەری شەهید "سەرکەوت سەمەدی" بەم بۆنەیەوە پێشکەش کرا.

ڕێوڕەسمی ڕێزگرتن لە شەهیدانی ڕاسانی حیزبی دێموکرات، به پارچە مۆسیقایەك‌و سروودی "ئەی شەهیدان" لە لایەن هونەرمەند، رەشید فەیزی نژاد"ـەوە كۆتایی پێ‌ هات.

حیزبی دێمۆکراتی کوردستانی ئێران کۆمیتەی فینـــلاند

 

 

مەراسمی 10ی خاکەلێوە لە لایەن کۆمیتە ناوچەی حدکا لە شاری ڤاسا بەرز راگیرا

مەراسمی 10ی خاکەلێوە لە لایەن کۆمیتە ناوچەی حدکا لە شاری ڤاسا بەرز راگیرا

رێکەوتی 1.4.2017 رۆژی شەممە لە لایەن کۆمیتە ناوچەی حیزبی دێمۆکرات کوردستانی ئێران لە شاری

زیاتر بخوێنه‌وه‌ ‌

هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد

هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد

لە سەر بانگهێشتی فەرمی، هەیئەتێکی حیزبی دێموکرات بەشداریی لە ٤٥ـەمین کۆنگرەی حیزبی سوسیال دێموکراتەکانی فینلانددا کرد.

زیاتر بخوێنه‌وه‌ ‌

ڕێوڕەسمێكی تایبەت بە ٢ی ڕێبەندان لە فینلاند بەڕێوە چوو

ڕێوڕەسمێكی تایبەت بە ٢ی ڕێبەندان لە فینلاند بەڕێوە چوو

یادی ٧١ـەمین ساڵڕۆژی کۆماری کوردستان لە شاری تورکو لە وڵاتی فینلاند بەرز ڕاگیرا.

زیاتر بخوێنه‌وه‌ ‌

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو.

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو.

بە بۆنەی 26ی سەرماوەز، رۆژی پێشمەرگەی كوردستان، لە وڵاتی فینلاند سێمینارێكی تایبەت بەڕێوە چوو

زیاتر بخوێنه‌وه‌ ‌

سیمینار: رۆژهەڵاتی کوردستان پێشمەرگەو راسان

سیمینار: رۆژهەڵاتی کوردستان پێشمەرگەو راسان

رۆژی شەممە رێکەوتی 17.12.2016 سیمینارێک بۆ  ڕێزگرتن له " ٢٦ی سەرماوەز " رۆژی پێشمەرگەی کوردستان  بە بەشداری

زیاتر بخوێنه‌وه‌ ‌

سێمینارێكی تایبەت بە ٢٤ـەمین ساڵیادی شەهیدانی میكۆنوس لە فینلاند بەڕێوە چوو

سێمینارێكی تایبەت بە ٢٤ـەمین ساڵیادی شەهیدانی میكۆنوس لە فینلاند بەڕێوە چوو

 

سێمینارێکی تایبەت بە شەهیدانی میکۆنوس لە شاری هێلسینکی وڵاتی فینلاند بەڕێوەچوو

زیاتر بخوێنه‌وه‌ ‌

دیداری کۆمیتەی حیزبی دێموکراتی کوردستانی ئێران لە گەڵ شاندی حکوومەتی هەرێمی کوردستان

دیداری کۆمیتەی حیزبی دێموکراتی کوردستانی ئێران لە گەڵ شاندی حکوومەتی هەرێمی کوردستان

دەستەی کۆمیتەی حیزبی دێموکراتی کوردستانی ئێران لە فینلاند لە گەڵ شاندی حکوومەتی هەرێمی کوردستان کە بۆ سەردانێکی فەرمی هاتبوونە فینلاند دیداری کرد.

زیاتر بخوێنه‌وه‌ ‌

بە بۆنەی ٢٤مین ساڵڤەگەری جینایەتی میکۆنۆس

بە بۆنەی ٢٤مین ساڵڤەگەری جینایەتی میکۆنۆس

لەووتە بەنرخەکانی د. شەرەفکەندی: "با هەموو بەشی خۆمان لە خەباتدا بەشداری بکەین"

زیاتر بخوێنه‌وه‌ ‌

بەشداریی هەیئەتێكی كۆمیتەی حیزب لە 23هەمین ساڵیادی دامەزرانی حیزبی كۆمۆنیستی ئێران ـ لە فینلاند

بەشداریی هەیئەتێكی كۆمیتەی حیزب لە 23هەمین ساڵیادی دامەزرانی حیزبی كۆمۆنیستی ئێران ـ لە فینلاند

 

رۆژی شەممە، رێكەوتی 3/9/2016ی زایینی، هەیئەتێكی كۆمیتەی گشتیی حیزبی دێموكراتی كوردستانی ئێران لە وڵاتی فینلاند، پێكهاتوو لە

زیاتر بخوێنه‌وه‌ ‌

دواهه‌مین هه‌واڵ

سیمینار: رۆژهەڵاتی کوردستان پێشمەرگەو راسان