یازدەهەمین کۆنفرانسی ئەندامانی حیزبی دێموکراتی کوردستانی ئیران لە فینلاند بە بەشداری زۆربەی ئەندامانی حیزب لە فینلاند و نوێنەری رێبەری حیزب لە شاری

یووڤەسکوولای فینلاند بەرێوە چوو.

رۆژی شەممە 26.8.2017 یازدەهەمین کۆنفرانسی ئەندامانی حیزب لە وڵاتی فینلاند لە ژێر ناوی کۆنفرانسی "شەهید ئەبوو کەریمی" بەرێوە چوو.

کۆنفرانس لە لایەن عەلی سەلیمی برای شەهید "حەسەن سەلیمی"یەوە کرایەوە. لە کۆنفرانسەکەدا وێرای پێشکەشکردن و پەسەندی راپۆرتی کارو چالاکیەکانی کۆمیتەی حیزب لە ماوەی نێوان دوو کۆنفرانسی رابردوودا وتارێکی سیاسی لە سەر رۆژەڤی رۆژهەڵاتی کوردستان لە لایەن بەرێز مەنسوور عەزیزی ئەندامی کۆمیتەی ناوەندی حیزبی دێموکرات و بەرپرسی تەشكیلاتی دەرەوەی وڵات پێشكەش کرا. لەسەرەتای وتارەکە بەرێزیان بە ئاماژە بە رووداوی دڵتەزێنی گوندە ژۆر سەر بە شارۆچکەی چۆمان لە ناوچەی باڵەکایەتی باشووری کوردستان  سەرەخۆشی خۆی پێشکەشی کەسوکاری قوربانیان و خەڵکی باشووری کوردستان کرد و هیوای خواست ئەم کۆستە نەبێتە هۆی تێکچوونی پێوەندی دەیانساڵەی نێوان باشوور و رۆژهەڵاتی کوردستان و ئەو رووداوە بکرێتە هەوێنی لێکنزیکبوونەوەی زیاتر و هاوکاری زیاتر بۆ پووچەلکردنەوەی پلانی نەیارانی کوردستان. پاشان ئەندامی رێبەری حیزب  روانینی حیزب لە پێوەندی رەوشی ناوچە و پێگەی ئێران لە رۆژهەڵاتی ناوەراست و ناوخۆدا شی کردەوە و لە ئاکامدا لە سەر پێویستی خۆسازماندان و کاروچالاکی هەمەلایانەتر پێداگری کرد.

وەڵامدانەوە بە رەخنە و بۆچوونی ئەندامان و بەشدارانی کۆنفرانس. کۆمیتەیەکی نوێ بۆ بەرێوەبردنی کاروباری حیزبی لە وڵاتی فینلاند هەڵبژێردرا. لە یەکەم کۆبوونەوەی دوای کۆنفرانس ئەندامانی کۆمیتە بە تێکرای دەنگ لە سەر پتەوترکردن و گەشەپێدانی پێوەندییی کۆمەڵایەتی و بڕوای جڤاکی لە ناو کوردستانیانی دانیشتووی فینلاند پێداگرت و چالاکتربوونی کۆمیتە بۆ گەشەپێدانی هاوپێوەندی کوردستانیان و بەرفراوانتر کردنی چالاکی دیپلۆماسی رۆژهەڵاتی کوردستانیان کردە ئامانجی سەرەکی چالاکیەکانی داهاتوویان.

حیزبی دیمۆکراتی کوردستانی ئێران – کۆمیتەی فینـــلاند

27.8.2017

 

بۆ بینینی وێنەکان، کلیک لەسەر لینکی خوارەوە بکەن.

https://photos.google.com/share/AF1QipMpAOE8l_tzVJH8kE0_tMMC2421Sw2zjfd3blAVUls7Awx7i_PnQEmbeqWLm5yz9Q/photo/AF1QipM9x0fCZCnFcc9x-EJ5KOsuMJQRWehj26R9vcuL?key=VktCTnZwS2hlSWlTcWhYbXIwQnZXendrX1Y4NVdn 

ناردن بۆ تۆڕه‌ کۆمه‌ڵایه‌تی‌یه‌کان

Submit to FacebookSubmit to Google PlusSubmit to TwitterSubmit to LinkedIn

چالاکیه‌کان