چالاکیه‌کان

بەش: چالاکیه‌کان


ڕوژی شە ممە ڕێکەوتی 9.12.2017 کاتژمێری 13:00 پاش نیوە ڕۆ بە بە شداری زۆرینە ی ئە ندامانی حدکا لە شاری ڤاسا کۆنفڕانسی کۆمیته ی واسا بەسەرپە رە ستی کاک عە لی مورادی بە رپرسی ماڵی کۆمیتە ی گشتی فینلە ند ڕێوە چوو.
کۆنفڕانس لە کاتی دیاری کراودا بە ڕاگرتنی یە ک خولە ک بێ دە نگی بۆ گیانی پاکی شە هیدانی کورد و کوردستان و هه موو قوربانی یانی بوومە لە رزە ی پارێزگای کرمانشا دە ستی پێکرد. بە دوای وە رگرتنی دە نگی مە شروعیە ت بۆ کۆنفڕانس کە ریم حە بیبی ڕاپۆرتی کار و جالاکییە کانی دووساڵی ڕابردووی کۆمیته ناوچە ی واسا پێشکەش کرد. بە دووای ڕاپۆرتی کڵر و چالاکییە کان ڕاپۆرتی ماڵی لە لایان کاک نە وزاد عبداللە زادە وە بە وردی پێشکە ش بە کۆنفڕانس کرا.
دوای کورتە پشوویەک لە بە شی دووە می کۆنفڕاس بە ڕێز کاک عە لی وێڕای پێشکش کردنی وتارێکی سیاسی هاوکات لە سە ر وە زعییە ت و پلان وبه رنامە کانی کۆمیتە ی گشتی فینلاند باسێکی پێشکە ش کرد.
لە بڕگە یە کی تری کۆنفڕانس هه ر یە ک لە بە ڕێزان عە لی مورادی و کە ریم حە بیبی بە ووردی وڵامی پرسیار و ڕە خنە و پێشنیاری بەشدارانی کۆنفڕاسی یان دایە وە .
دواین بە شی کۆنفڕانس هه ڵبژاردنی کۆمیته ی نۆێ بۆ ڕاپە ڕاندنی ئه رک و چالاکییە کانی داهاتووی تە شکیلاتی حیزب بوو لە شاری واسا کە سێ کە س بە پێی هه ڵبژاردن دیاری کران.
کۆنفڕانس پاش سێ کاتژمێر لە کاتژمێری پێنجی ێیوارێ کۆتایی بە کارە کانی هات.


کۆمیتە ناوچە یڤاسا- حدکا

بەش: چالاکیه‌کان

نوێنەری کۆمیتەی حیزبی دیموکراتی کوردستانی ئێران بەشداری یادی چلەی ماتەمینی مام جەلال تاڵەبانی، سکرتێری گشتی یەکیەتی نشتیمانی کوردستان و سەرۆک کۆماری پیشووی عێراق بوو.

رۆژی یەکشەممە 19.11.2017 کۆری چلەی کۆچی دوایی مام جەلال تاڵەبانی لە فینلاند پێک هات. لەو یادەدا شەهین بەهمەن سوڵتانی بە نوێنەرایەتی کۆمیتەی حیزب بەشدار بوو و پەیامی سەرەخۆشی و پرسەی چلەی ماتەمینی مام جەلالی پێشكەش بە بەشداران کرد.

دەقی پەیامی کۆمیتەی حیزب بە بۆنەی چلەی ماتەمینی مام جەلال بە شێوەی خوارەوە بوو:

پەیامی سەرەخۆشی حیزبی دێموکراتی کوردستانی ئێران – کۆمیتەی فینلاند بە بۆنەی چلەی  کۆچی دوایی بەرێز مام جەلال تاڵەبانی

 

 

خوشک و برایانی خۆشەویست

بەرێزانی یەکیەتی نشتیمانی کوردستان

تازیەدارانی غەمخۆری لە دەست چوونی رێبەری کورد مام جەڵال تاڵەبانی

 

ئێمە لە کاتێکدا یادی چلەی رێبەری مەزن مام جەلال دەکەینەوە، کە ئەمرۆ نەبوونی ئەو لە هەمووکاتێک زیاتر هەست پێ دەکرێتو و جێی مام جەلال لە هەمووکاتێک زیاتر هەست بە واڵا بوون دەکرێت. کۆچی دوایی مام جەلال لە کاتێکدا بوو کە گەلەکەمان قۆناغێکی گرینگی خەباتی رزگاری خوازانە و گواستنەوە بە قۆناغێکی نوێ تێپەر دەکرد. بۆیە ئەم خەسارە لە قووڵاییە جەستەی بریندار و پارچە پارچە کراوی کوردستاندا هەست پێ دەکرێت.

مام جەلال نموونەی پێکەوە ژیان بوو. ئەو کەسێک بوو کە هێزە دژبەر و رکەبەرەکان، لایەنە وێک نەچووەکان لە دەوری یەکتر کۆ دەکردەوە و لە دژایەتیەکان هەل و فرسەتی پێکەوە بوون دەخوڵقاند. مام جەلال رێبەرێک بوو کە زۆر کاری نەبوو مومکین دەکرد. مام جەلال لەو کەم وێنە رێبەرانە بوو کە بۆ رزگاری نەتەوەکەی چوار ئەستوونی خەباتی چەکداری، کۆمەڵایەتی، دیپلۆماسی و کولتووری پێکەوە گرێدابوو و ئەمەش رەمزی سەرکەوتن، خۆشەویستی و رێزگرتن لەو رێبەرە کەم وێنەیەی کورد بوو.

مرۆڤی شۆرشگیر، کۆچەکەشی شۆرشگێرانەیە. بە کۆچی دوایی مام جەلال کۆمەڵانی خەڵکی کوردستان لە هەموو پارچەکانی کوردستانەوە بە رێکخستنی شەپۆلی پرسە و سەرەخۆشی، یادی ئەو رێبەرەیان زیندوو کردەوە و نیشانیاندا کەسانێک کە لە پێناو مرۆڤایەتی، نشتیمان، ئازادی و رێزگرتن لە کەڕامەتی مرۆڤ خەبات دەکەن، دەبنە بەشێکی جیانەبووە لە کۆمەڵگای کوردستانی و مرۆڤایەتی. ئەمەش ئەرکی ئێمە رێبوارانی  رێبەرانی ئازادیخواز و کاریزمای نەتەوەیی قورستر دەکات. ئەرکی درێژەدانی رێگایان، ئەرکی گەشەپێدانی بایەخەکانی رێبەرانمان و ئەرکی پێکەوە کارکردن و کۆکردنەوەی هێز لە دەوری بەها هاوبەش و مرۆڤی و نەتەوایەتیەکانمان.

 

ئێمە ئەندامان و لایەنگرانی حیزبی دێموکرات لە فینلاند وێڕای سەرەخۆشی دووبارە لە کەسوکار و بنەماڵەی بەڕێزی مام جەلال و بەتایبەتی هەڤاڵانی راستەقینەی ئەو رێبەرە، هاوخەمی خۆمان لەگەڵ هەموو ئەندامان و لایەنگرانی یەکیەتیی نیشتمانیی کوردستان دەر دەبڕین. سەرەخۆشی لە گەلەکەمان بەتایبەت لە باشووری کوردستان دەکەین. وێڕای دەربڕینی پەژارەمان بۆ لە دەست دانی ئەو رێبەرە گەورەیە، دووبارە جەخت لە هاوئاهەنگی و تەبایی و پێکەوە بوون لە ناو هەموو حیزب و رێکخراوەکانی کوردستانی دەکەین و هیوادارین بە یەکیەتی و هەستی پێکەوە بوونێک کە بەهۆی کۆچی دوایی مام جەلال پێک هاتووە ئەم بڕگەیە مێژووییەی باشووری کوردستان بە سەرکەوتویی تێپەر بێت.

 

 

ڕۆحی مام جەلال شاد،

سەبووری و خۆڕاگری بۆ ئازیزانی،

تەبایی و سەرکەوتن بۆ خەبات و تێکۆشان لە کوردستاندا

 

حیزبی دێموکراتی کوردستانی ئێران – کۆمیتەی فینلاند

19.11.2017

بەش: چالاکیه‌کان

بەبەشداری ژمارەیەک لە ئەندامانی حیزب لە شاری لاهتی کۆنفرانسی کۆمیتە ناوچەی شاری لاهتی لە وڵاتی فینلاند بەرێوە چوو. رۆژی یەکشەممە 3.12.2017 بە بەشداری ژمارەیەک لە ئەندامانی حیزب لە شاری لاهتی و بە سەرپەرەستی مەجید حەقی بەرپرسی کۆمیتە و خاوەر رەحمانی لە بەشی تەشكیلاتی کۆمیتەی گشتی و هاورێتی ئاگری مەناف بەرپرسی راگەیاندنی کۆمیتەی هێلسینکی کۆنفرانسی پێکهێنانی کۆمیتەی لاهتی حیزبی دێموکراتی کوردستانی ئێران پێک هات.

دوای کردنەوەی کۆنفرانس بە خولەکێک بێ دەنگی بە یادی شەهیدانی کورد و کوردستان و قوربانیانی بوومەلەرزەی مانگ رابردووی کوردستان،  باسێک لە مەڕ گرینگی رێکخراو و لە گەشەکردنی تەندوروستی دەروونی و بەرەوپێش چوونی مرۆڤ و بوونی رێکخراوەکانی حیزبی لە لایەن مەجید حەقیەوە پێشكەش کرا. دوای وەڵام بە پرسیار و سەرنجی بەشداران کۆنفرانسەکە، کۆمیتەی نوێ بۆ شاری لاهتی هەڵبژێردرا. کۆمیتەی هەڵبژێردراو دوای کۆنفرانس یەکەم کۆبوونەوەی خۆی پێک هێنا و لەو کۆبوونەوەیەدا سەباح عەلیپوور وەک بەرپرسی کۆمیتە هەڵبژێردرا.

 

حیزبی دێموکراتی کوردستانی ئێران – کۆمیتەی فینلاند

بەش: چالاکیه‌کان

 

ژمارەیەک لە حیزبە سیاسیەکانی رۆژهەڵاتی کوردستان لە کۆبوونەوەیەکی هاوبەشدا لە سەر پتەوترکردن و بەرنامەیی کردنی کار و چالاکیە هاوبەشەکان پێداگریان کرد. رۆژی دوو شەممە 20.11.2017 ژمارەیەک حیزبی سیاسی کوردستان لە کۆبوونەوەیەکی هاوبەشدا لەسەر ئەرک و چالاکیەکانی لەمەو بەدوایان کۆبوونەوەیەکیان پێک هێنا و پێداگریان لە سەر گەشەکردن و بەکردەوەیی کردنی کارو چالاکیەکانیان لە وڵاتی فینلاند بەتایبەت لە بواری پێوەندیە ناونەتەوەییەکاندا کرد. لەو کۆبوونەوەیەدا بریاردرا بە مەبەستی چالاککردنی هاوکاری نێوان هێزە سیاسیەکانی رۆژهەڵاتی کوردستان بە زوویی کۆبوونەوەی هاوبەشی دیکە پێک بهێندرێت و بەرنامە و پلانی کاری هاوبەش بە پێی پێویستی سیاسی رۆژهەڵاتی کوردستان و کۆمەڵگای سیاسی رۆژهەڵات لە فینلاند دابرێژرێت.

 

بەش: چالاکیه‌کان

بەبەشداری ژمارەیەک لە ئەندامان و بەرپرسی کۆمیتە و تەشکیلاتی کۆمیتەی حیزب لە وڵاتی فینلاند کۆنفرانسی کۆمیتەی ناوچەی هێلسینکی لە فینلاند پێک هات.

رۆژی شەممە 25.11.2017 کۆنفرانسی کۆمیتەی ناوچەی هێلسینکی لە وڵاتی فینلاند بە بەشداری ژمارەیەک لە ئەندامانی حیزبی دێموکراتی کوردستانی ئێران لە ناوچەی پایتەخت پێک هات. کۆنفرانسەکە بە خولەکێک بێ دەنگی بە یادی شەهیدانی کوردو کوردستان دەستی پێ کرد. دوای بەخێرهاتنی بەشداران لە لایەن عەباس بۆستانچی بەرپرسی پێشووی کۆمیتەی ناوچەی هێلسینکی، کۆنفرانس لە لایەن جەهانبەخش خالدیەوە کرایەوە.

بە دوای ئەودا وتارێک لە سەر رەوشی سیاسی ئێستا و کار و چالاکی کۆمیتەکان لە وڵاتی فینلاند لەلایەن کەریم حەبیبی بەرپرسی تەشکیلاتی کۆمیتە لە فینلاند پێشكەش کرا. لە بەشێکی دیکەدا وتاریک لە سەر پێویستی خۆرێکخستن بۆ تەندوروستی دەروونی و توانا بەخشی و ئەرکی کۆمیتە و رێکخراوەکانی حیزبی لە لایەن مەجید حەقی بەرپرسی کۆمیتەی حیزب لە فینلاند پێشکەش کرا.

بەشی کۆتایی کۆنفرانس بریتی بوو لە هەڵبژاردنی کۆمیتەی نوێ بۆ کۆمیتە ناوچەی هێلسینکی. لە ئاکامدا پێنج کەس وەک ئەندام و جێگری کۆمیتەی هێلسینکی هەڵبژێردران و ئەرکی بەرێوەبردن و جێبەجێکردنی کاروباری حیزبییان لە شاری هێلسینکی و دەوروبەر بە ئەستۆ گرت. لە یەکەم کۆبوونەوەی خۆی دا دوای کۆنفرانس، هۆگر عەلیپوور وەک بەرپرسی کۆمیتەی هێلسینکی هەڵبژێردرا.

 

حیزبی دێموکراتی کوردستانی ئێران – کۆمیتەی فینلاند

 

بەش: چالاکیه‌کان

بە بەشداری زۆر بەی هەرەزۆری حیزبەکانی ئەندامی کۆمیتەی هێزە سیاسیەکانی کوردستان، بڕیار درا ئەو کۆمیتەیە کار بکات بۆ پەسەندکردن و جێبەجێ کردنی پلانی کاری و بەرنامەی هاوبەش. لە کۆبوونەوەیەک کە رۆژی 20.11.2017دا بە بەشداری زۆربەی هەرە زۆری نوێنەرانی حیزبەکانی ئەندامی کۆمیتەی هاوکاری هێزە سیاسیەکانی کوردستان وێرای ئاماژە بە ئەرکەمانی هەنووکەیمان لە سەر بەبەرنامەیی کردن و رێکخراو کردنی کۆمیتەکە پێداگری کرا و دەستەیەک هەڵبژێردرا بۆ جێبەجێ کردنی ئەو بڕیارانە و ئامادەکردنی رەشنووسی دستووری کۆمیتەی هاوکاری هێزە سیاسیەکان. لە لایەن حیزبی دیموکراتی کوردستانی ئێران کۆمیتەی فینلاندەوە بەرێز مەحموود فەتاحی بەرپرسی پێوەندیە کوردستانیەکانی کۆمیتە و مەجید حەقی بەشداری کۆبوونەوەی کۆمیتەی هێزە سیاسیەکانی کوردستان ببوون.

چالاکیه‌کان