Home هه‌واڵه‌کان په‌یامی ده‌فته‌ری سیاسیی حدک ئێران به‌ بۆنه‌ی 8ی مارس

په‌یامی ده‌فته‌ری سیاسیی حدک ئێران به‌ بۆنه‌ی 8ی مارس

PDKIژنان و کچانی کوردستان

ژنانی ئێران

رۆژی خۆتان، رۆژی جیهانیی ژنتان لێ پیرۆز بێ. پێویسته‌ که‌ له‌م

رۆژه‌دا هاوکات له‌گه‌ڵ پیرۆزبایی به‌ بۆنه‌ی رۆژی جیهانیی ژنه‌وه‌ له‌ ئێوه‌ی ژنان و کچانی وڵاته‌که‌مان، ئاواته‌خوازی دابین بوونی ماف و ئازادییه‌کانتان، که‌ مافه‌ سه‌ره‌تایی و سه‌ره‌کییه‌کانی مرۆڤن بین و له‌گه‌ڵ ئێوه‌دا، پیرۆزبایی رۆژی جیهانیی ژن له‌ هه‌موو ئه‌و مرۆڤه‌ ئازادیخواز و یه‌کسانیخوازانه‌ بکه‌ین که‌ به‌ خه‌می هاتنه‌ دیی یه‌کسانی و به‌رابه‌ریی ژن و پیاو له‌ نێو کۆمه‌ڵگا و له‌ بنه‌ماڵ دان، بکه‌ین.

رۆژی جیهانیی ژن، وه‌ کوو رۆژێکی سیمبۆلێک و هێما بۆ یادکردنه‌وه‌ و پێداگرتنه‌وه‌ له‌ خه‌باتی ژنان و تێکۆشانیان له‌ پێناو گه‌یشتن به‌ یه‌کسانی و به‌رابه‌رییه‌کی شیاوی مرۆڤ بووه‌ و هه‌یه‌ و له‌م رۆژه‌دا که‌ به‌ به‌ره‌و پێش چوونی ره‌وره‌وه‌ی مێژوو و گه‌شه‌ کردنی کۆمه‌ڵگا و پێشکه‌وتنی کۆمه‌ڵایه‌تی و سیاسی و ئابووری، له‌ سه‌رتاسه‌ری جیهاندا بیر و هزری یه‌کسانیخوازی و رێز گرتنی مرۆیی له‌ ژنان په‌ره‌ ده‌گرێ، رۆژی هه‌شتی مارس ده‌بێ به‌ خاڵی کۆ که‌ره‌وه‌ی سه‌رتاسه‌ری کۆمه‌ڵگای مرۆڤایه‌تی له‌ جیهاندا، بۆ ئه‌وه‌ی که‌ هه‌موو که‌س و هه‌موو به‌شه‌کان و هه‌موو کۆڕ و کۆمه‌ڵ و گرووپێکی مرۆڤایه‌تی، به‌ یه‌ک روانگه ‌و یه‌ک بۆچوونه‌وه‌ به‌و بـڕوایه‌ بگه‌ن که‌ مرۆڤه‌کان له‌ هیچ بوارێکه‌وه‌، چ له‌ بواری نه‌ژادی و چ له‌ بواری جنسیه‌ت و ره‌گه‌زه‌ و چ له‌ هه‌موو بواره‌کانی دیکه‌وه‌ خاوه‌نی هیچ له‌ سه‌ره‌وه‌تر بوونی و مه‌زنییه‌ک به‌سه‌ر ئه‌وی دیکه‌دا نین و جیاوازی دانان و هه‌ڵاواردن ده‌بێ له‌ هه‌موو ئاست و له‌ هه‌موو بوارێکدا ره‌ت بکرێته‌وه‌ و بنه‌بڕ بکرێ‌.

ژنان و کچانی ئێران و کوردستان

ئێوه‌ له‌ وڵاتێکدا و له‌ ژێر ده‌سه‌ڵاتی سیستمێکدا ده‌ژین که‌ سه‌ره‌ڕای هه‌موو سته‌م و چه‌وسانه‌وه‌یه‌ک که‌ به‌ دژی مرۆڤه‌کان به‌ڕێوه‌ی ده‌با، ژنانی له‌ به‌رچاو زۆر سووک و بێ به‌ها و نرخه‌ و له‌ بواری بیر و هزرییه‌وه ‌و له‌ بواری سیاسه‌ت و یاسا و مافه‌ مه‌ده‌نییه‌کانه‌وه‌، ده‌یه‌وێ ژن بکا به‌ کۆیله‌ و ته‌نانه‌ت به‌ ئامراز و شتومه‌کی به‌رده‌ست پیاوان و بۆیه‌ خه‌باته‌که‌تان له‌ دژی ئه‌م رێژیمه ‌و له‌م وڵاته‌دا دژوارتر و رێگای به‌رده‌متان پڕ کۆسپ و ئه‌سته‌م‌تره ‌و هاوکات له‌گه‌ڵ ئه‌وه‌دا، ئه‌رکی شۆڕشگێڕان و تێکۆشه‌ران و ئازادیخوازانی پیاویش قورس‌تر ده‌بێ که‌ پشتیوان و هاوخه‌بات و هاوهه‌نگاوتان بن.

ژنانی کورد

ئێوه‌ له‌م رۆژه‌دا، له‌ رۆژی جیهانیی ژندا، هاوکات له‌گه‌ڵ ژنانی جیهان، هه‌م دڵنیاتر له‌ جاران ده‌بن که‌ به‌ خه‌بات و تێکۆشان ده‌توانن به‌ مافه‌کانتان و به‌ یه‌کسانی شیاوی مرۆڤ بگه‌ن، چوونکه‌ ده‌بینن ژنانی جیهان له‌ وڵاته‌ پێشکه‌وتوو و ئازاده‌کاندا به‌ خه‌بات و تێکۆشانی خۆیان و به‌ پشتیوانی و یارمه‌تیی پیاوانی یه‌کسانخواز، سه‌لماندوویانه‌ که‌ کۆتایی به‌ ئه‌فسانه ‌و بیر ته‌سکییه‌کانی سه‌ده‌کانی پێشوو هاتووه‌ که‌ وایان نیشان داوه‌ و ئێستاش هه‌ندێک بیری دواکه‌وتوو وای بڵاو ده‌که‌نه‌وه‌ که‌ ژن له‌ سروشت و له‌ زات و بنه‌ڕه‌تی خۆیدا، که‌متر و په‌ست‌تره‌ و هه‌ر بۆیه‌ ده‌بێ ژێر ده‌ست و ژێر چه‌پۆکی پیاو بێ.

ئێوه‌ ژنانی کورد به‌ ئه‌زموون وه‌رگرتن له‌ خه‌بات و تێکۆشان و هه‌وڵ دانی ژنانی خه‌باتکار و سه‌رکه‌وتووی جیهان، هه‌ر وه‌ک له‌ پێشوودا سه‌لماندووتانه‌، ده‌توانن تێکه‌ڵ به‌ ئه‌زموونی خۆتان و که‌سانی تێکۆشه‌ری پێش خۆتانی بکه‌ن و به‌ خۆ رێکخستن و هاوشان و هاوئاهه‌نگ کردنتان، رێچکه‌ی ژنانی تێکۆشه‌ر و مافویستی کورد درێژه‌ بده‌ن که‌ هاوکات له‌گه‌ڵ خه‌باتی نه‌ته‌وایه‌تی و ئازادیخوازانه‌یان، بۆ گه‌یشتن به‌ یه‌کسانی هه‌وڵیان داوه‌ وهه‌زینه‌یان له‌ پیێناودا داوه‌. چونکه‌ گه‌یشتن به‌ ماف و پاراستنی به‌ها، نرخی خۆی هه‌یه‌ و ژنانی کورد سه‌لماندوویانه‌ که‌ بۆ ئارمان و ئامانجه‌کان، ئاماده‌ن نرخی پێویست بده‌ن و سه‌لماندوویانه‌ که‌ نه‌ک له‌ ژنانی جیهان که‌میان نییه‌، به‌ڵکوو ژنانی وایان تێدا هه‌ڵکه‌وتووه‌ که‌ ده‌بێ وه‌کوو سه‌مبول و هێمای خه‌باتی ژنان چاویان لێ بکرێ‌ و نه‌ک به‌ قسه‌ و دروشم، به‌ڵکوو له‌ کرده‌وه‌دا نیشانیان داوه‌ که‌ له‌ ریزی هه‌ره‌ پێشه‌وه‌ی دژوارترین قۆناخ و شێوازه‌کانی خه‌باتدا، هاوشانی پیاوان بۆ گه‌یشتن به‌ مافی ئینسانی تێکۆشاون.

ژنان و کچانی کوردستان

له‌ خه‌باتی دوور و درێژخایه‌نتان بۆ گه‌یشتن به‌ ئازادی و یه‌کسانیدا، حیزبی دێموکراتی کوردستانی ئێران هه‌ر له‌ سه‌ره‌تای دامه‌زرانییه‌وه‌ و به‌ درێژایی نزیک له‌ حه‌وت ده‌یه‌ خه‌باتی مافخوازانه‌ی، پاڵپشت و یارمه‌تیده‌ر و هانده‌ری ژنانی کوردستان بۆ سه‌لماندنی بوونی یه‌کسانیی خۆیان له‌ نێو بنه‌ماڵه‌ و له‌ کۆمه‌ڵگا و له‌ ریزه‌کانی خه‌باتدا بوون و له‌سه‌ر ده‌ستی پێشه‌وای نه‌مر، دامه‌زرێنه‌ری حیزبی دێموکرات، رێکخراوی تایبه‌ت به‌ ژنان پێک هێنراوه‌ و رێبه‌رانی ئه‌م حیزبه‌ به‌ هه‌موو توان و ئیمکانه‌وه‌، یارمه‌تیده‌ر و پاڵپشتی ژنان بۆ خۆ رێکخستن له‌ پێناو گه‌یشتن به‌ مافه‌کانیاندا بوون و حیزبی دێموکراتی کوردستانی ئێران له‌م رۆژه‌دا وێڕای پیرۆزبایی رۆژی جیهانی ژن لێتان، دووباره‌ له‌سه‌ر پره‌نسیپه‌ گرنگ و بنه‌مایی‌یه‌کانی له‌ پێناو هاتنه‌ دیی ئازادی و به‌رابه‌ری و یه‌کسانی له‌ نێوان مرۆڤه‌کاندا پێ‌دا ده‌گرێته‌وه‌ و جارێکی دیکه‌ ئه‌و وانه‌ گرینگه‌ چه‌ندپانه‌ ده‌کاته‌وه‌ که‌:

"دێموکرات دژ به‌ هه‌ر جۆره‌ چه‌وسانه‌وه‌یه‌کی مرۆڤ به‌ ده‌ستی مرۆڤه‌ و باوه‌ڕی ته‌واوی به‌ به‌رابه‌ری مافه‌کانی ژن و پیاو له‌ نێو بنه‌ماڵه‌ و له‌ کۆمه‌ڵگادا هه‌یه".

سه‌رکه‌وتن بۆ هه‌موو ئازادیخوازان و به‌تایبه‌ت بۆ خه‌باتی یه‌کسانیخوازیی ژنان

به‌ ئاواتی هه‌ڵوه‌شانه‌وه‌ی سیستمی چه‌وسانه‌وه‌ و هه‌ڵاواردن له‌ سه‌رتاسه‌ری جیهاندا

به‌ هیوای هاتنه‌ دیی کۆمه‌ڵگا و سیستمێکی پارێزه‌ری ماف و که‌رامه‌تی مرۆڤه‌کان له‌ ئێراندا

حیزبی دێموکراتی کوردستانی ئێران

ده‌فته‌ری سیاسی

8ی مارسی 2012

 

ئاگاداری پرسە و سەرەخۆشی

ئاگاداری پرسە و سەرەخۆشی

بە داخ و کەسەرێکی زۆرەوە بە دۆستان و ئاشنایان ڕادەگەینین، کە بەدیعە ئەمین پوور هاوسەری شەهید ئاغا عەلی سوڵتان پەنا،

زیاتر بخوێنه‌وه‌ ‌

هاوسەری شەهیدێکی حیزبی دێموکرات کۆچی دوایی کرد

هاوسەری شەهیدێکی حیزبی دێموکرات کۆچی دوایی کرد

هاوسەری شەهیدێکی حیزبی دێموکراتی کوردستانی ئێران و ئەندامی حیزبی دێموکرات لە تەمەنی ٨٣ ساڵیدا کۆچی دوایی کرد.

زیاتر بخوێنه‌وه‌ ‌

مەترسی دیپۆرت بۆ ئەندامێکی چالاکی حیزب

مەترسی دیپۆرت بۆ ئەندامێکی چالاکی حیزب

پۆلیسی فینلاند دوو جار هەوڵی داوە ئاسۆ (عەبدوڵقادر) نزاکەت ئەندامی چالاکی حیزب لە فینلاند و

زیاتر بخوێنه‌وه‌ ‌

لە وڵاتی فینلادا بۆ ئیدانەکردنی بە زۆر ناردنەوەی چالاکوانانی کورد بۆ ئێران سیمینارێک ڕێکخرا.

لە وڵاتی فینلادا بۆ ئیدانەکردنی بە زۆر ناردنەوەی چالاکوانانی کورد بۆ ئێران سیمینارێک ڕێکخرا.

ڕۆژی سێشەممە، ڕێکەوتی 2017.6.6 لە لایەن چەند چالاکڤانێکی کورد،  بە سیمینارێک ئیدانەی بە زۆر ناردنەوەی چالاکڤانانی کوردیان کرد.

زیاتر بخوێنه‌وه‌ ‌

کۆچی دوایی ئە ندامێکی حدکا

کۆچی دوایی ئە ندامێکی حدکا

ڕۆژی شە ممە ڕێکەوتی 13/5/2017 باوکی  "قادر پە یڕەویی" کادری پێشووی حیزب، بە نێوی "ساڵح" خەڵکی

زیاتر بخوێنه‌وه‌ ‌

پەیامی هاوخەمیی كۆمیتەی حیزب لە فینلاند بە بۆنەی كۆچی دوایی كەسایەتییەكی ناسراوی ناوچەی كرماشان

پەیامی هاوخەمیی كۆمیتەی حیزب لە فینلاند بە بۆنەی كۆچی دوایی كەسایەتییەكی ناسراوی ناوچەی كرماشان

بە پێی هەواڵی گەیشتوو، رۆژی یەكشەممە 27/11/2016، حاجی عەلی ئەكبەر خالدی، كەسایەتیی خۆشناوی ناوچەی كرماشان‌و

زیاتر بخوێنه‌وه‌ ‌

باوکی شەهیدێکی ڕێگای ڕزگاریی کوردستان کۆچی دوایی کرد

باوکی شەهیدێکی ڕێگای ڕزگاریی کوردستان کۆچی دوایی کرد

مام "موراد عەلیپوور" باوکی شەهید "حوسێن عەلیپوور" ناسراو بە شەهید "حەسۆماڵاویی لە ژیان کرد

زیاتر بخوێنه‌وه‌ ‌

مستەفا هیجری: حیزبی دێموکرات هیچ کات پێشوازی لە پێوەندییەک ناکات کە ڕەوتی دێموکرسیخوازی لە ئێران و ناوچەکەدا تووشی کێشە بکات

مستەفا هیجری: حیزبی دێموکرات هیچ کات پێشوازی لە پێوەندییەک ناکات کە ڕەوتی دێموکرسیخوازی لە ئێران و ناوچەکەدا تووشی کێشە بکات

مستەفا هیجری، سکرتێری گشتیی حیزبی دێموکراتی کوردستانی ئێران لە وتووێژێکدا لەگەل ئاسۆ ساڵح، ڕۆژنامەوانی کوردی دانیشتووی وڵاتی سوێد، باسی لە لایەنە جیاوازەکانی خەباتی نوێی حیزبی دێموکرات کرد

زیاتر بخوێنه‌وه‌ ‌

حیزبی دێموکرات بۆ خەبات دژی ڕێژیمی ئێران لە گەل هەر کام لە حیزب و لایەنە سیاسییەکانی کوردستانی ڕۆژهەڵات کۆبووە

حیزبی دێموکرات بۆ خەبات دژی ڕێژیمی ئێران لە گەل هەر کام لە حیزب و لایەنە سیاسییەکانی کوردستانی ڕۆژهەڵات کۆبووە

حیزبی دیمۆکراتی کوردستانی ئێران، بە مەبەستی بەرینترکردنی خەبات دژی ڕێژیمی ئێران، لە چوارچێوەی گوتار و ستراتژی نوێی ڕاسان لە کوردستانی ڕۆژهەڵات لە گەل هەر کام لە حیزب و لایەنە سیاسییەکانی کوردستانی ڕۆژهەڵات کۆبووە

زیاتر بخوێنه‌وه‌ ‌

حیزبی دێموکرات هێرشه تیرۆریستییەکەی شاری قامیشلووی مەحکووم کرد

حیزبی دێموکرات هێرشه تیرۆریستییەکەی شاری قامیشلووی مەحکووم کرد

دەفتەری سیاسیی حیزبی دێموکراتی کوردستانی ئێران سەبارەت به هێرشه تیرۆریستییەکەی شاری قامیشلوو پەیامێکی هاوخەمیی بڵاو کردەوە

زیاتر بخوێنه‌وه‌ ‌

دواهه‌مین هه‌واڵ

سیمینار: رۆژهەڵاتی کوردستان پێشمەرگەو راسان