Home هه‌واڵه‌کان سه‌ردانی کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران له‌ ده‌فته‌ری سیاسیی حیزبی دێمۆکرات

سه‌ردانی کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران له‌ ده‌فته‌ری سیاسیی حیزبی دێمۆکرات

serdanikomele-pdkiهه‌یئه‌تێکی کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران، سه‌ردانی ده‌فته‌ری سیاسیی حیزبی دێمۆکراتی کوردستانی ئێرانی کرد.

به‌پێی راپۆرتی هه‌واڵنێری کوردستان میدیا، رێکه‌وتی ١٦ی جۆزه‌ردانی ١٣٩١ی هه‌تاوی، هه‌یئه‌تیک به‌ سه‌رپه‌رستیی به‌ڕێز "عه‌بدوڵڵا موهته‌دی" سکرتێری گشتیی کۆمه‌ڵه‌ی شۆڕشگێری زه‌حمه‌تکێشانی کوردستانی ئێران، سه‌ردانی ده‌فته‌ری سیاسیی حیزبی دێمۆکراتی کوردستانی ئێرانیان کرد و له‌لایه‌ن هه‌یئه‌تێک به‌ سه‌رپه‌رستیی به‌ڕێز "مسته‌فا هیجری" سکرتێری گشتیی حیزبه‌وه‌ پێشوازییان لێ کرا.

له‌م دانیشتنه‌دا به‌ڕێز مسته‌فا هیجری له‌سه‌ر ره‌وشی سیاسیی ناوچه‌، ئێران و دۆزی کورد چه‌ند باسێکی پێشکه‌ش کرد.

کێشه‌ی ناوکیی رێژیمی ئێران و ئاکامی هه‌وڵه‌ نێوده‌وڵه‌تییه‌کان بۆ چاره‌سه‌ر کردنی ئه‌و کێشه‌یه‌ پرسگه‌لێک بوون که‌ له‌لایه‌ن هه‌یئه‌تی هه‌ردوو لاوه‌ ئاڵوگۆڕی بیروڕای له‌سه‌ر کرا.

هه‌روه‌ها گرینگی نه‌دانی رێژیمی ئیسلامیی ئێران به‌ هه‌وڵی وڵاتانی رۆژئاوایی و ئه‌مریکا له‌مه‌ڕ چاره‌سه‌ر کردنی کێشه‌ی ناوکیی ئه‌و رێژیمه‌ و که‌ڵک وه‌رگرتنی رێژیم له‌ دانووستان له‌مه‌ڕ به‌ده‌ست هێنانی کات بۆ گه‌یشتن به‌ مه‌به‌ستی تایبەتیی خۆی، هه‌ڵسه‌نگێندرا و هەر دوو لا له‌سه‌ر بێ‌ئاکام بوونی دانووسانی داهاتوو که‌ بڕیاره‌ له‌ موسکۆ پێته‌ختی رووسیه‌ ئه‌نجام بدرێت، هاوڕا بوون.

له‌ درێژه‌ی ئه‌م باسانه‌دا کێشه‌ی گه‌مارۆی ئابووریی رێژیمی ئێران و شوێندانه‌ریی ئه‌و گه‌مارۆیانه‌ له‌سه‌ر ره‌وشی سیاسی و ئابووریی ئێران و به‌تایبه‌ت فرۆشی نه‌وتی ئێران و زیاتر بوونی گوشاره‌کان بۆ سه‌ر ئێران له‌و پێوه‌ندییه‌دا تاوتوێ کرا.

پێشێل کردنی مافی مرۆڤ له‌ ئێران، ده‌ستێوه‌ردان له‌ کاروباری وڵاتان هاریکاریی رێژیمه‌ دیکتاتۆر و پاوانخوازه‌کانی وه‌کوو رێژیمی سووریه‌، هه‌روه‌ها تێکڕووخانی ئه‌و رێژیمه‌ و سه‌رکه‌وتنی ئیراده‌ی کۆمه‌ڵانی خه‌ڵک، پرسگه‌لێک بوون که‌ زیاتر تیشکیان خرایه‌ سه‌ر و له‌سه‌ریان ئاڵوگۆڕی بیروڕا کرا.

له‌ دریژه‌ی دانیشتنه‌که‌دا به‌ڕێز مسته‌فا هیجری، له‌سه‌ر خه‌باتی گه‌لانی ئێران و بزووتنه‌وه‌ی دێمۆکراسیخوازانه‌ی ئێران چه‌ند وته‌یه‌کیان پێشکه‌ش کرد و له‌م باره‌وه‌ ئاماژه‌ی به‌ چالاکتر کردنی کۆنگره‌ی نه‌ته‌وه‌کانی ئێرانی فیدراڵ کرد و له‌و پێوه‌ندییه‌دا گوتی: "کۆنگره‌ی نه‌ته‌وه‌کانی ئێرانی فیدراڵ توانیی له‌ ئاستی نێوده‌وڵه‌تیدا وه‌کوو نوێنه‌ری به‌رچاوی به‌شێک له‌ گه‌لانی ئێران، پاڵپشتێکی به‌هێز بێت بۆ به‌ره‌و پێش بردنی پرۆسه‌ی دێمۆکراسی له‌ ئێران و رۆڵێكی به‌رچاو بگێڕێت" و بەڕێزیان له‌سه‌ر چالاکتر بوونی ئه‌و کۆنگره‌یه پێداگریی کرده‌وه.

به‌ڕێز مسته‌فا هیجری سکرتێری گشتیی حیزب، له‌ درێژه‌ی باسه‌که‌یاندا له‌سه‌ر دیالۆگ و ئاڵوگۆڕی بیروڕا له‌گه‌ڵ هێزه‌ سیاسییه‌کانی سه‌رانسه‌ری ئێران دوا‌ و وه‌کوو نموونه‌ش کۆڕ و کۆبوونه‌وه‌کانی دوو ساڵی رابردووی ئوپۆزسیۆنی ئێران و کوردستانی به‌ کاریگه‌ر و رۆڵی حیزبی دێمۆکرات و کۆمه‌ڵه‌ی به‌رز نرخاند.

به‌ڕێز هیجری له‌ کۆتایی باسه‌که‌یاندا له‌سه‌ر به‌رین‌تر کردنی مه‌یدانی کار و تێکۆشانی لایه‌نه‌ سیاسییه‌کانی کوردستان پێداگریی کرده‌وه.

پاشان به‌ڕێز "عه‌بدوڵڵا موهته‌دی" سکرتێری کۆمه‌ڵه‌ روانین و بۆچوونه‌کانی کۆمه‌ڵه‌ی له‌سه‌ر ئه‌و بابه‌تانه‌ خسته‌ به‌ر باس له‌سه‌ر پێویستیی خوێندنه‌وه‌یه‌کی یه‌کگرتوو پێداگر بوو.

به‌ڕێز موهته‌دی، هه‌وڵه‌کانی رێژیمی ئیسلامیی ئێرانی له‌مه‌ڕ که‌م کردنه‌وه‌ی زه‌خت و گوشاره‌کانی کۆمه‌ڵگای نێوده‌وڵه‌تی له سه‌ر خۆی به‌ سه‌رنه‌که‌وتوو زانی و گوتی: "رێژیم له‌و پێوه‌ندییه‌دا له‌ ئامانجه‌کانی سه‌رکه‌وتوو نه‌بووه‌ و نه‌یتوانیوه‌ له‌ قه‌یرانه‌ سیاسی و ئابوورییه‌کان ده‌رباز ببێت".

ناوبراو له‌ پێوه‌ندی له‌گه‌ڵ سووریه‌، ئاڵوگۆڕی سیاسیی له‌ سووریه‌ و گرینگی دان به‌ خه‌باتی نێوخۆیی هێز و لایه‌نه‌ سیاسییه‌کان، له‌مه‌ڕ خێراتر بوونی ره‌وتی ئاڵوگۆڕ له‌و وڵاته‌ به‌ گرینگ له‌ قه‌ڵه‌م دا.

 

ئاگاداری پرسە و سەرەخۆشی

ئاگاداری پرسە و سەرەخۆشی

بە داخ و کەسەرێکی زۆرەوە بە دۆستان و ئاشنایان ڕادەگەینین، کە بەدیعە ئەمین پوور هاوسەری شەهید ئاغا عەلی سوڵتان پەنا،

زیاتر بخوێنه‌وه‌ ‌

هاوسەری شەهیدێکی حیزبی دێموکرات کۆچی دوایی کرد

هاوسەری شەهیدێکی حیزبی دێموکرات کۆچی دوایی کرد

هاوسەری شەهیدێکی حیزبی دێموکراتی کوردستانی ئێران و ئەندامی حیزبی دێموکرات لە تەمەنی ٨٣ ساڵیدا کۆچی دوایی کرد.

زیاتر بخوێنه‌وه‌ ‌

مەترسی دیپۆرت بۆ ئەندامێکی چالاکی حیزب

مەترسی دیپۆرت بۆ ئەندامێکی چالاکی حیزب

پۆلیسی فینلاند دوو جار هەوڵی داوە ئاسۆ (عەبدوڵقادر) نزاکەت ئەندامی چالاکی حیزب لە فینلاند و

زیاتر بخوێنه‌وه‌ ‌

لە وڵاتی فینلادا بۆ ئیدانەکردنی بە زۆر ناردنەوەی چالاکوانانی کورد بۆ ئێران سیمینارێک ڕێکخرا.

لە وڵاتی فینلادا بۆ ئیدانەکردنی بە زۆر ناردنەوەی چالاکوانانی کورد بۆ ئێران سیمینارێک ڕێکخرا.

ڕۆژی سێشەممە، ڕێکەوتی 2017.6.6 لە لایەن چەند چالاکڤانێکی کورد،  بە سیمینارێک ئیدانەی بە زۆر ناردنەوەی چالاکڤانانی کوردیان کرد.

زیاتر بخوێنه‌وه‌ ‌

کۆچی دوایی ئە ندامێکی حدکا

کۆچی دوایی ئە ندامێکی حدکا

ڕۆژی شە ممە ڕێکەوتی 13/5/2017 باوکی  "قادر پە یڕەویی" کادری پێشووی حیزب، بە نێوی "ساڵح" خەڵکی

زیاتر بخوێنه‌وه‌ ‌

پەیامی هاوخەمیی كۆمیتەی حیزب لە فینلاند بە بۆنەی كۆچی دوایی كەسایەتییەكی ناسراوی ناوچەی كرماشان

پەیامی هاوخەمیی كۆمیتەی حیزب لە فینلاند بە بۆنەی كۆچی دوایی كەسایەتییەكی ناسراوی ناوچەی كرماشان

بە پێی هەواڵی گەیشتوو، رۆژی یەكشەممە 27/11/2016، حاجی عەلی ئەكبەر خالدی، كەسایەتیی خۆشناوی ناوچەی كرماشان‌و

زیاتر بخوێنه‌وه‌ ‌

باوکی شەهیدێکی ڕێگای ڕزگاریی کوردستان کۆچی دوایی کرد

باوکی شەهیدێکی ڕێگای ڕزگاریی کوردستان کۆچی دوایی کرد

مام "موراد عەلیپوور" باوکی شەهید "حوسێن عەلیپوور" ناسراو بە شەهید "حەسۆماڵاویی لە ژیان کرد

زیاتر بخوێنه‌وه‌ ‌

مستەفا هیجری: حیزبی دێموکرات هیچ کات پێشوازی لە پێوەندییەک ناکات کە ڕەوتی دێموکرسیخوازی لە ئێران و ناوچەکەدا تووشی کێشە بکات

مستەفا هیجری: حیزبی دێموکرات هیچ کات پێشوازی لە پێوەندییەک ناکات کە ڕەوتی دێموکرسیخوازی لە ئێران و ناوچەکەدا تووشی کێشە بکات

مستەفا هیجری، سکرتێری گشتیی حیزبی دێموکراتی کوردستانی ئێران لە وتووێژێکدا لەگەل ئاسۆ ساڵح، ڕۆژنامەوانی کوردی دانیشتووی وڵاتی سوێد، باسی لە لایەنە جیاوازەکانی خەباتی نوێی حیزبی دێموکرات کرد

زیاتر بخوێنه‌وه‌ ‌

حیزبی دێموکرات بۆ خەبات دژی ڕێژیمی ئێران لە گەل هەر کام لە حیزب و لایەنە سیاسییەکانی کوردستانی ڕۆژهەڵات کۆبووە

حیزبی دێموکرات بۆ خەبات دژی ڕێژیمی ئێران لە گەل هەر کام لە حیزب و لایەنە سیاسییەکانی کوردستانی ڕۆژهەڵات کۆبووە

حیزبی دیمۆکراتی کوردستانی ئێران، بە مەبەستی بەرینترکردنی خەبات دژی ڕێژیمی ئێران، لە چوارچێوەی گوتار و ستراتژی نوێی ڕاسان لە کوردستانی ڕۆژهەڵات لە گەل هەر کام لە حیزب و لایەنە سیاسییەکانی کوردستانی ڕۆژهەڵات کۆبووە

زیاتر بخوێنه‌وه‌ ‌

حیزبی دێموکرات هێرشه تیرۆریستییەکەی شاری قامیشلووی مەحکووم کرد

حیزبی دێموکرات هێرشه تیرۆریستییەکەی شاری قامیشلووی مەحکووم کرد

دەفتەری سیاسیی حیزبی دێموکراتی کوردستانی ئێران سەبارەت به هێرشه تیرۆریستییەکەی شاری قامیشلوو پەیامێکی هاوخەمیی بڵاو کردەوە

زیاتر بخوێنه‌وه‌ ‌

دواهه‌مین هه‌واڵ

سیمینار: رۆژهەڵاتی کوردستان پێشمەرگەو راسان