Home هه‌واڵه‌کان دەسپێشخەرییەکی دیکەی حیزبی دێمۆکرات لەمەڕ دیالۆگ لەگەڵ هاوڕێیانی پێشوو

دەسپێشخەرییەکی دیکەی حیزبی دێمۆکرات لەمەڕ دیالۆگ لەگەڵ هاوڕێیانی پێشوو

plonom14بەبۆنەی کۆتایی هاتنی ١٤مین پلینۆمی کۆمیتەی ناوەندیی حیزبی دێمۆکرات، دەفتەری سیاسیی حیزبی دێمۆکراتی کوردستانی ئێران راگەیەنراوێکی بڵاو کردەوە.

ده‌قی راگه‌یه‌ندراوەکە به‌م چه‌شنه‌یه:

بۆ ئاگاداری گشتیی راده‌گه‌یه‌نین که‌ ١٤هه‌مین پلینۆمی کۆمیته‌ی ناوه‌ندی حیزبی دێمۆکراتی کوردستانی ئێران به‌ به‌شداری زۆربه‌ی ئه‌ندامانی ئه‌سڵی، جێگران‌ و راوێژکارانی کۆمیته‌ی ناوه‌ندی سه‌عات ١٠ی سه‌رله‌ به‌یانیی رۆژی سێ‌شه‌ممه‌، رێکه‌وتی ١٠ی گه‌لاوێژی ١٣٩١ی هه‌تاوی به‌رانبه‌ر به‌ ٣١ی ژوولای ٢٠١٢ی زایینی به‌ مه‌به‌ستی باس‌ و بڕیاردان له‌سه‌ر ئه‌و مه‌سه‌لانه‌ی که‌له‌ ده‌ستووری کاری ئه‌و پلینۆمه‌دا گونجیندار بوون، ده‌ستی به‌کار کرد‌ و پاش دوو رۆژ کاری به‌رده‌وام‌ و به‌جێ گه‌یاندنی ئه‌رکه‌کانی پاش نیوه‌ڕۆی رۆژی چوارشه‌ممه‌ ١١ی گه‌لاوێژی کۆتایی به‌کاره‌کانی هێنا.

پلینۆم سه‌ره‌تا به‌ راگرتنی خوله‌کێک بێده‌نگی بۆ رێزگرتن له‌ گیانی پاکی شه‌هیدان ده‌ستی پێ‌ کرد ‌و پاش په‌سند کردنی ده‌ستووری کاری پلینۆم، باس له‌سه‌ر یه‌ک یه‌کی بڕگه‌کان کرا.

له‌ سه‌ره‌تای باسه‌کانی پلینۆمدا سکرتێری گشتی حیزب به‌ڕێز "مسته‌فا هیجری" راپۆرتی کۆمیته‌ی ئاماده‌کاریی کۆنگره‌ی پانزده‌هه‌می حیزب له‌سه‌ر به‌ڕێوه‌چوون ‌و کۆتایی هاتنی کۆنفرانسه‌کانی کۆمیته‌کانی حیزب له‌ وڵاته‌ جۆراوجۆره‌کانی پێشکه‌ش کرد ‌و ئاکامی ئه‌و کۆنفرانسانه‌ی به‌ ئاگاداری پلینۆم گه‌یاند.

له‌ بڕگه‌یه‌کی دیکه‌ی کاری پلینۆمدا سه‌رجه‌م پێشنیار ‌و بڕیاره‌کانی کۆمیته‌ی ئاماده‌کردنی کۆنگره‌ی پانزده‌هه‌می حیزب له‌ پێوه‌ندی له‌گه‌ڵ چۆنیه‌تی ‌و شێوه‌ی به‌ڕێوه‌چوونی کۆنفرانسه‌کانی باقی رێکخراوه‌کان ‌و ئۆرگانه‌کانی حیزبی که‌ پێشتر له‌لایه‌ن ده‌فته‌ری سیاسییه‌وه‌ تاوتۆی ‌و سه‌رئه‌نجام په‌سندکرا بوون، که‌وتنه‌ به‌رباس‌ و را و بۆچوونی به‌شدارانی پلینۆمی بۆ وه‌رگیرا ‌و پاش باسێکی تێر‌ و ته‌سه‌ل‌ و به‌شداری چالاکانه‌ی ئاماده‌ بوانی پلینۆم له‌ باسه‌کانی پێوه‌ندیدار به‌ هه‌ر بڕگه‌یه‌کی کاری ئه‌و به‌شه‌، رێوشوێنی گونجاو بۆ به‌ڕێوه‌چوونی کۆنفرانسه‌کان ده‌ست نیشان کران ‌و بڕیاری کۆتایی‌یان له‌سه‌ر درا.

له‌ به‌شێکی دیکه‌ی کاری پلینۆم ‌و له‌ چوارچێوه‌ی هێڵه‌ گشتییه‌کانی سیاسه‌تی حیزبدا باس له‌ شێوه‌ی چۆنیه‌تیی هاوکاری ‌و پێوه‌ندییه‌کانی حیزبی دێموکراتی کوردستانی ئێران له‌گه‌ڵ حیزب ‌و رێکخراوه‌کانی ئوپۆزیسیۆنی ئێرانی ‌و هێز ‌و لایه‌نه‌ سیاسییه‌کانی کوردستانی ئێران کرا. پلینۆم له‌و باره‌وه‌ رێنوێنیی پێویستی دا‌ و به‌رنامه‌ی پێشنیاریی ده‌فته‌ری سیاسیی له‌و پێوه‌ندییه‌دا په‌سه‌ند کرد.

له‌ درێژه‌ی باسه‌کانی پلینۆمدا چۆنیه‌تی پێوه‌ندییه‌کانی نێوان حیزب ‌و ئه‌و هاوڕێیانه‌ی که‌ نیزیک به‌ ٦ ساڵ له‌مه‌وبه‌ر له‌ حیزبی دێمۆکرات جیا بوونه‌وه‌ خرایه‌ به‌رباس ‌و پاش لێکدانه‌وه‌ی هه‌ڵومه‌رجی ناوچه ‌‌و پێویستی هه‌وڵدان بۆ یه‌کریزیی هێزه‌ سیاسییه‌کانی کورد له‌ کوردستانی ئێران، پلینۆم به‌و ئاکامه‌ گه‌یشت که‌ سه‌ره‌ڕای بێ‌ئاکام بوونی هه‌موو هه‌وڵه‌کانی رێبه‌رایه‌تی حیزب به‌ مه‌به‌ستی ده‌سته‌به‌ر کردنی یه‌کریزی ‌و لابردنی به‌ربه‌سته‌کان له‌سه‌ر رێگای گه‌یشتن به‌و ئامانجه‌ بۆ جارێکی دیکه‌ش له‌ پێناو به‌رژه‌وه‌ندیی گشتیی بزووتنه‌وه‌ی کورد، له‌ رێگای کردنه‌وه‌ی ده‌رگای وتووێژی راسته‌وخۆ له‌گه‌ڵ ئه‌و هاوڕێیانه‌ هه‌نگاوێکی دیکه‌ش هه‌ڵگرێ‌، به‌و هیوایه‌ی که‌ ئه‌و هه‌نگاوه‌ فه‌زایه‌کی باشتر بۆ له‌یه‌کتر تێگه‌یشتن‌ و ده‌ره‌تانێکی له‌بار بۆ لابردنی به‌ربه‌سته‌کان بره‌خسێنێ‌. له‌و پێوه‌ندییه‌شدا پلینۆم هیوادار و چاوه‌ڕوانه‌ که‌ هاوڕێیانی پێشووش ئه‌و هه‌نگاوه‌ی حیزبی دێمۆکراتی کوردستانی ئێران به‌ نیازپاکی وه‌ربگرن ‌و پێشوازی لێ‌‌بکه‌ن ‌و بۆ سه‌رکه‌وتنی، هه‌نگاوی شیاو بنێن.

پلینۆم پاش باس ‌و بڕیاردان له‌سه‌ر ئه‌و بابه‌تانه‌ی که‌له‌ ده‌ستووری کاریدا بوون پاشنیوه‌ڕۆی رۆژی چوارشه‌ممه‌ ١١ی گه‌لاوێژی ١٣٩١ی هه‌تاوی، کۆتایی به‌ کاره‌کانی هێنا.

حیزبی دێمۆکراتی کوردستانی ئێران

ده‌فته‌ری سیاسی

١٢ی گه‌لاوێژی ساڵی ١٣٩١ی هه‌تاوی

٢ی ئاگۆستی ٢٠١٢ی زایینی

 

پەیامی هاوخەمیی كۆمیتەی حیزب لە فینلاند بە بۆنەی كۆچی دوایی كەسایەتییەكی ناسراوی ناوچەی كرماشان

پەیامی هاوخەمیی كۆمیتەی حیزب لە فینلاند بە بۆنەی كۆچی دوایی كەسایەتییەكی ناسراوی ناوچەی كرماشان

بە پێی هەواڵی گەیشتوو، رۆژی یەكشەممە 27/11/2016، حاجی عەلی ئەكبەر خالدی، كەسایەتیی خۆشناوی ناوچەی كرماشان‌و

زیاتر بخوێنه‌وه‌ ‌

باوکی شەهیدێکی ڕێگای ڕزگاریی کوردستان کۆچی دوایی کرد

باوکی شەهیدێکی ڕێگای ڕزگاریی کوردستان کۆچی دوایی کرد

مام "موراد عەلیپوور" باوکی شەهید "حوسێن عەلیپوور" ناسراو بە شەهید "حەسۆماڵاویی لە ژیان کرد

زیاتر بخوێنه‌وه‌ ‌

مستەفا هیجری: حیزبی دێموکرات هیچ کات پێشوازی لە پێوەندییەک ناکات کە ڕەوتی دێموکرسیخوازی لە ئێران و ناوچەکەدا تووشی کێشە بکات

مستەفا هیجری: حیزبی دێموکرات هیچ کات پێشوازی لە پێوەندییەک ناکات کە ڕەوتی دێموکرسیخوازی لە ئێران و ناوچەکەدا تووشی کێشە بکات

مستەفا هیجری، سکرتێری گشتیی حیزبی دێموکراتی کوردستانی ئێران لە وتووێژێکدا لەگەل ئاسۆ ساڵح، ڕۆژنامەوانی کوردی دانیشتووی وڵاتی سوێد، باسی لە لایەنە جیاوازەکانی خەباتی نوێی حیزبی دێموکرات کرد

زیاتر بخوێنه‌وه‌ ‌

حیزبی دێموکرات بۆ خەبات دژی ڕێژیمی ئێران لە گەل هەر کام لە حیزب و لایەنە سیاسییەکانی کوردستانی ڕۆژهەڵات کۆبووە

حیزبی دێموکرات بۆ خەبات دژی ڕێژیمی ئێران لە گەل هەر کام لە حیزب و لایەنە سیاسییەکانی کوردستانی ڕۆژهەڵات کۆبووە

حیزبی دیمۆکراتی کوردستانی ئێران، بە مەبەستی بەرینترکردنی خەبات دژی ڕێژیمی ئێران، لە چوارچێوەی گوتار و ستراتژی نوێی ڕاسان لە کوردستانی ڕۆژهەڵات لە گەل هەر کام لە حیزب و لایەنە سیاسییەکانی کوردستانی ڕۆژهەڵات کۆبووە

زیاتر بخوێنه‌وه‌ ‌

حیزبی دێموکرات هێرشه تیرۆریستییەکەی شاری قامیشلووی مەحکووم کرد

حیزبی دێموکرات هێرشه تیرۆریستییەکەی شاری قامیشلووی مەحکووم کرد

دەفتەری سیاسیی حیزبی دێموکراتی کوردستانی ئێران سەبارەت به هێرشه تیرۆریستییەکەی شاری قامیشلوو پەیامێکی هاوخەمیی بڵاو کردەوە

زیاتر بخوێنه‌وه‌ ‌

كۆمیسیۆنی تەشكیلاتی حیزبی دێموكرات بە بۆنەی كۆچی دوایی خاڵۆ حوسەین كۆكەن ڕاگەیەندراوێكی بڵاو كردەوە

كۆمیسیۆنی تەشكیلاتی حیزبی دێموكرات بە بۆنەی كۆچی دوایی خاڵۆ حوسەین كۆكەن ڕاگەیەندراوێكی بڵاو كردەوە

كۆمیسیۆنی تەشكیلاتی حیزبی دێموكراتی كوردستانی ئێران بە بۆنەی كۆچی دوایی حوسێن عوسمانی ناسراو بە خاڵۆ حوسەین كۆكەن ڕاگەیەندراوێكی بڵاو كردەوە

زیاتر بخوێنه‌وه‌ ‌

کەمپەینی وەفایەک بۆ پێشمەرگە سپاسنامەیەکی بڵاو کردەوە

کەمپەینی وەفایەک بۆ پێشمەرگە سپاسنامەیەکی بڵاو کردەوە

کەمپەینی وەفایەک بۆ پێشمەرگە لە ڕێگای کۆکردنەوەی یارمەتیی ماڵی پشتیوانی لە خەبات و چالاکیی پێشمەرگەکانی حیزبی دێموکرات دەکات و سپاسنامەیەکی بڵاو کردووەتەوە

 

زیاتر بخوێنه‌وه‌ ‌

خەڵکی دێموکرات‌پەروەری ناوچەی ژاوەرۆی سەوڵاوا بە توندی وەڵامی ڕاگەیاندنەکانی ڕێژیمی داگیرکەری ئێران دەدەنەوە

خەڵکی دێموکرات‌پەروەری ناوچەی ژاوەرۆی سەوڵاوا بە توندی وەڵامی ڕاگەیاندنەکانی ڕێژیمی داگیرکەری ئێران دەدەنەوە

خەڵکی ژاوەرۆی سەوڵاوا بانگەشەکانی ڕێژیمی ئیسلامیی ئێران لەمەڕ یارمەتیدانی خەڵکی گوندی بۆڕیەر بە هێزەکانی ڕێژیمی ئێران بە توندی ڕەت دەکەنەوە.

زیاتر بخوێنه‌وه‌ ‌

٢٢ی پووشپەڕ لە لایەن ئەندامان و لایەنگرانی حیزبی دێموکراتەوە بەرز ڕاگیرا

٢٢ی پووشپەڕ لە لایەن ئەندامان و لایەنگرانی حیزبی دێموکراتەوە بەرز ڕاگیرا

 

ئەندامان و لایەنگرانی حیزبی دێموکراتی کوردستانی ئێران بە بۆنەی ٢٢ی پووشپەڕ ساڵڕۆژی شەهیدکرانی دکتور قاسملوو چالاکیی تەبلیغییان بەڕێوە برد.

زیاتر بخوێنه‌وه‌ ‌

دواهه‌مین هه‌واڵ

سیمینار: رۆژهەڵاتی کوردستان پێشمەرگەو راسان