به‌شه‌کان

بەش: چالاکیه‌کان

 

 

 

 

 

 

 

 

بۆ ئاگاداری ئەندامان و لایەنگرانی حیزبی دیموکراتی کوردستانی ئێران لە وڵاتی فینلاند:

کۆمیتەی حیزبی دێموکرات ریزە دەورەی پەروەردەیی رێکخراوەیی و گشتی بە مەبەستی بەرەوپێش بردنی کاری رێکخراوەیی و پێشکەوتنی کۆمەڵگای کوردی لە وڵاتی فینلاند پێشکەش دەکات.

بۆ ئەم مەبەستە رۆژی یەکشەممە 19.11.2017 کاتژمێر 19.00 تا 21.00 یەکەم کۆبوونەوەی گشتی خۆی لە رێگای کاناڵی پەروەردەیی مەجازیەوە پێک دێنێت.

داوا لە خوازیاران دەکرێت پێشوەخت بۆ بەشداری لە کۆبوونەوە ناونووسی بکەن و بەناوی راستی خۆیان بێنە ژوور.

لینکی ناونووسین و بەشداری کردن لە کۆبوونەوەدا:

 https://zoom.us/webinar/register/WN_8qdxPaWqR7GXnhULTnsBjw

 

بەش: چالاکیه‌کان

کۆمیتەی حیزبی دیموکراتی کوردستانی ئێران لە وڵاتی فینلاند بەشداری کۆری پرسە و یادی مام جەلال تاڵەبانی سەرۆک کۆماری پیشووی عێراق و سکرتێری گشتی یەکیەتی نشتیمانی کوردستان کرد. رۆژی یەکشەممە 8.10.2017 کۆمیتەی فینلاندی یەکیەتی نشتیمانی کوردستان بە هاوکاری فیدراسیۆنی کۆمەڵە کوردیەکانی کورد لەو وڵاتە پرسەی ماتەمینی مام جەلال تاڵەبانیان لە شاری هێلسینکی رێک خست.

لەو پرسەیەدا بەسەدان کەس لە کوردستانیانی دانیشتووی فینلاند، نوێنەری هەموو حیزب و ریکخراوەکانی کوردستانی، نوێنەرایەتی بالیۆزخانەی عێراق، پێتری سارڤاما، ئەندامی پەرلەمانی ئورووپا، ماریت فێلدارانتا جێگری سەرۆکی سۆسیال دیموکراتەکان و تاریا کانتۆلا سەرۆکی یەکیەتی کلیساکانی فینلاند بۆ یارمەتی ناونەتەوەیی و راوێژکاری پێشووی وەزیری دەرەوەی فینلاند بەشداریان کرد و وتاریان لە پەسنی مام جەلال و بۆ پشتگیری لە سەربەخۆیی کوردستان پێشکەش کرد.

لە لایەن حیزبی دیموکراتی کوردستانی ئیرانەوە هەیئەتێک بە بەشداری ژمارەیەک لەئەندامانی کۆمیتە و ئەندامانی چالاکی حیزب بەشداری ئەو بۆنەیان کرد و وێرای پێشکەش کردنی تاجەگولێ بیرەوەری واژۆی دەفتەری بیرەوەریەکانی کۆرەکەیان کرد. لە پەیامی

لەو کۆرەدا هەموو بەشداران و نوێنەرانی حیزب و ریکخراوەکانی کوردستان وێرای هاوخەمی و دەربڕینی پەژارەی خۆیان لە مەڕ لە کۆچی دوایی مام جەلال، لەسەر پێویستی پێکەوەکارکردن و نزیکبوونەوەی زیاتر پێداگریان کرد.

 

حیزبی دێموکراتی کوردستانی ئێران – کۆمیتەی فینلاند

 

 

 

 

بەش: ئاگاداریه‌کان

کرمانشان تەنیا نیە!

با هەموومان بە یارمەتیەکانمان بە هانای قوربانیانی پارێزگای کرمانشان لە رۆژهەڵەتەوە بچین

ئەنجوومەنی راسانەوە بۆ جێکەوتن و گەشەپیدان (ناوی پێشوو: ئەنجوومەنی ئاشتی و گەشەپێدانی کوردستان)، داوا لە هەموو کوردستانیان و مرۆڤدۆستان دەکات بەشدار بکەن لە کەمپەینی یارمەتی بۆ قوربانیانی بوومەلەرزەی پارێزگای کرمانشان لە رۆژهەڵاتی کوردستان.

ئەنجوومەن لە وڵاتی فینلاند تۆمار کراوە و ژمارەی تۆماری ئەنجوومەن بریتیە لە: 197.134

 

ژمارە حیسابی بانکی بۆ دانی یارمەتی

KDPA ry

IBAN: FI48 8000 1471 2780 52

BIC: DABAFIHH

 هەروەها دەتوانن راستەوخۆ لە رێگای لینکی خوارەوە یارمەتیەکانی خۆتان پێشکەش بکەن.

  

ئێمە یارمەتیەکان راستەخۆ بۆ کوردستان دەنێرین و  بیرورای گشتی لە راپۆرتی گەیاندنی یارمەتیەکان ئاگادار دەکەینەوە.

بۆ زانیاری زیاتر تکایە پێوەندی بەو ژمارانەوە بکەن:

+358400618671, +358442141958, +358466307930, +358458588519, +358504460220, +358443111170

 

 

بەش: هەواڵی گشتی

 شیاوی و توانایی کوردەکان بۆ دامەزراندنی دەوڵەتێکی دێموکراتیک لە ناوەڕاستی ناوچەیەکی ناسەقامگیردا نابێ بە کەم بگیرێت. سەرەرای ئەوەی کە توندرەوی ئیسلامی وڵاتانی دەسەڵاتدار لە ناو کوردستانیش شوێندانەر بووە، بەو حاڵەش کوردەکان هەلومەرجی باشتریان هەیە لە دەوڵەتانی ناوچە بۆ دامەزراندنی سیستەمێکی دیموکراتیک.

درێژەی بابەت...

بەش: هەواڵی گشتی

بەداخەوە لە ئەنجامی بوومەلەرزەیەک کە رلە رۆژی یەکشەممە 12.11.2017 بوو بە هۆی هەژانی بەشێکی زۆر لە رۆژهەڵات و باشووری کوردستان، بە سەدان کەس لە خەڵکی کوردستان گیانیان لە دەستدا و بریندار بوون و بە دەیان هەزار لە بنەماڵەکان بە هۆی تێکچوونی ماڵ و حاڵیان تووشی زیان بوون.

ئەندامان، خزم و کەسی بەشێکی زۆر لە قوربانیەکانی بوومەلەرزە نیشتەجێی وڵاتی فینلاندن و هەواڵی بوومەلەرزە بووتە هۆی کۆستێکی بنەماڵەیی و کەسێتیش.

کۆمیتەی حیزبی دیموکراتی کوردستانی ئێران لە وڵاتی فینلاند، وێرای سەرەخۆشی لە هەموو خەڵکی کوردستان، خەڵکی ناوچەی کرمانشاە،  سەرپێل زەهاو، داڵاهۆ، ئەزگەلە، سەلاسی باوەجانی، قەڵخانی و هەڵەبجە و  ناوچەکانی دیکەی کوردستان، خۆی لە خەم و پەژارەی خەڵکی کوردستان بەتایبەت ئەندامانی بنەماڵەی قوربانیانی ئەو کارەساتە سروشتیە و کوردستانیانی دانیشتووی فینلاند کەئازیزانیان لە دەست داوە بەشدار دەزانێت و هیوای چاکبوونەوەی خێرا بۆ بریندارەکان دەخوازین. بەو هیوایە ئەم کارەساتە هەستی پێکەوە بوون، هاوسۆزی و پێکەوەبوون و هاوخەمی نشتیمانی بەرزتر بکاتەوە.

 

حیزبی دێموکراتی کوردستانی ئێران – کۆمیتەی فینلاند

هێلسینکی 13.11.2017

 

بەش: هەواڵی گشتی

سەدان کەس لە کوردستانیانی دانیشتووی فینلاند و کوردۆستانی ئەو وڵاتە لە کارنواڵێکی بەشکۆدا پشتگیری خۆیان بۆ گشتپرسی سەربەخۆیی کوردستان راگەیاند.

رۆژی هەینی 22.9/2017 کارنوالێکی بەشکۆ بە بەشداری زیاتر لە دوو هەزار کەس لە کوردستانیانی دانیشتووی فینلاند و کوردپەروەرانی ئەو وڵاتە بەرێوە چوو. ئەو کارنڤالە کە لەلایەن دەستەی پشتگیری لە سەربەخۆیی کوردستان رێکخرابوو لە کاژمێر 2ی دوانیوەرۆ تا 6ی ئێوارە درێژەی کێشا لە لایەن چەندین هونەرمەندی خۆبەخشی کورد لە فینلاند جۆش و خرۆشێکی گەرم و پڕهەستی پێدراو و کورد دۆستانی فینلاندی بەشدار لە کارنوالەکەدا لە قسەکانی خۆیاندا پشتگیری خۆیان لە مافی سەربەخۆیی خەڵکی کوردستان و رێفراندۆمی سەربەخۆیی باشووری کوردستان دەربری. کوردستانیانی هەرچوار پارچەی کوردستان و کوردانی خەڵکی وڵاتانی سۆڤیەتی پێشوو بەشداریەکی چالاکانەیان لە کارنواڵی پشتگیری لە سەربەخۆیی کوردستان کرد. پێویستە بوترێت کاناڵەکانی تەلەڤیزیۆنی رووداو، کوردستان ٢٤، سپێدە و کوردستان بە شێوەی راستەوخۆ  هەواڵی ئەو کارنواڵەکای بڵاو دەکردەوە.  

کۆمیتەی پشتگیری لە سەربەخۆیی کوردستان پێکهاتووە لە نوێنەری زۆر بەری هەرە زۆری حیزبەکانی چالاک لە وڵاتی فینلاند و فیدراسیۆنی کۆمەڵە کوردیەکان لەو وڵاتە.

کوردستانیانی رۆژهەڵاتی کوردستان و بەتایبەت ئەندامان و لایەنگرانی حیزبی دیموکرات بەشداریەکی چالاکانە و دیاریان لەو کارنواڵە کرد و بە گرتنی پاس و کەرەسەی هاتووچۆ یارمەتیدەری سەرەکی پێکهێنانی ئەو کارنڤاڵە بوون.

 

حیزبی دیموکراتی کوردستانی ئێران – کۆمیتەی فینلاند 

 

 

چالاکیه‌کان